Étiquette : كازا

كود كازا //

قالت صحيفة “إفريقيا انتجلنس”، أن اتصال هاتفي تم بين الملك محمد السادس والرئيس الفرنسي، إيمانويل ماكرون، مساء فاتح نونبر الحالي، ومن خلالو التباحث لمدة 30 دقيقة حول سوء التفاهم اللي طبع العلاقات ف المدة الأخيرة واللي وصل حد سحب غير مباشر للسفير المغربي من باريس واللي تعين ف منصب جديد بقرار من المجلس الوزاري الأخير.

وأضافت المصادر ذاتها، أن الرئيس إيمانويل ماكرون، عبر ف المكالمة الهاتفية اللي جمعاتو مع الملك، عن نيته زيارة المملكة، وهي الرغبة اللي تفاعل معاها سيدنا بإيجابية، حيث من المنتظر برمجة زيارة للرئيس الفرنسي إلى الرباط قبل نهاية السنة الحالية أو ف بداية 2023.

تجدر الإشارة إلى أن العلاقات الدبلوماسية بين الرباط وباريس عرفات في الشهور الماضية شد وجذب بسباب عدم ملف الصحراء والفيزات وقضية الإمام حسن إكويوسن..

إقرأ الخبر من مصدره

كود كازا ///

تفاجأ الجمهور اللي كان كيتابع ماتش الوداد الرياضي والضيف ديالو ريفرز الجنوب إفريقي عشية اليوم الأحد فتيران المركب الرياضي محمد الخامس بالدار البيضاء، فعصبة أبطال إفريقيا بدخول واحد الشخص غريب لرقعة الملعب الأمر اللي تسبب فتوقف المباراة.

وفغفلة من الجميع قام هاذ الشخص باختراق التيران ودخل للشعب اللي كيلعبو فيه اللعابا فالشوط الثاني من ماتش الوداد وريفرز النيجيري وهو كيحمل لافتة بين يديه وحاول يهزها مزيان باش تلتقطها عدسات المصورين الصحافيين اللي فالملعب.
وحسب داكشي اللي التقطاتو العدسات وتنشر فالصور فهاذ الشخص كان كيحمل لافتة ورقية مكتوب فيها بخط اليد: “إلى جلالة الملك رئيس أركان الجيش، الهشاشة ليست في صفوف الجنود بل هي في صفوف الضباط وبعض ضباط الصف”.

وفور ما تم الانتباه للدخول ديالو لارضية الملعب دخل امن التيران تم القبض عليه وخرجوه باش الماتش يكمل، وطبعا داوه باش يتفتح معه تحقيق لمعرفة الأسباب والخلفية وراء الاقدام ديالو على الدخول للتيران فماتش فيه متابعة كبيرة وجمهور كثير والغرض من الرسالة اللي كتب فالافتة ديالو.

إقرأ الخبر من مصدره