كود – عن ماگريب انتليجانس///
افاد “ماگريب انتليجانس” ان المكتب الوطني للسياحة رسل رسالة خايبة لوكالة التواصل “پي ار ميديا”.
حسب ما نشرته “ماگريب انتليجانس” فالادارة الجديدة فشخص مديرها اشرف فايضة رسلات رسالة احتجاج للوكالة. الرسالة فيها تطبيق صارم للحكامة، يضيف المصدر، وحيح عليهم بخصوص تصرفات داروها ويمكن تأثر على واحد المارشي طلقو المكتب كيهم التواصل
القضية بدات باش وكالة “پي ار ميديا” رسلات للصحافيين كتسولهم اسئلة عندها علاقة بالمكتب الوطني للسياحة وفيه لوگو ديال المكتب . هادا كيمس التنافس الشريف بين الوكالات اللي سوميسات لهاد المارشي اللي قيمتو 13 المليون و128 الف درهم
بعد هاد الشي الوكالة سحبات ملفها گاع ودابا
دابا باقية 5 الوكالات كتنافس. غير خاص يديها اللي يستاهل ماشي اللي كيلوبيييه شي وحدين او بالضبط صحافية سابقة دارت شي تخربيقة فالسياحة ومتقدم راسها كتنصح المكتب الوطني للسياحة وحتى مكتب المطارات
نشوفو اللي خدا المارشي ويبان كلشي
