كيفاش وزير الثقافة بنسعيد ما كيحشمش وعلاش ما كيحاسبو حد. ناسو فالثقافة ما حيدوش من سهرات “البلاك” ف”دار السلام” ايام “موازين” ومسرح محمد الخامس ما فيه حتى كليم مقاد وشوه الحفلات

احمد الطيب كود الرباط ////

فحفل “طوطو” فاختتام مهرجان “موازين” بالسويسي فالرباط، كان صلاح الدين عبقري كاتب عام وزارة الثقافة بالنيابة حقاش ما عندوش الشروط باش يولي رسمي، كان هاد غير العبقري يتزاحم فدخلة صحاب “لبلاك” باش يحضر للحفل.

دخل بعد ما عرق ونشف. كان فرحان ب”بادج بلاك” دايرو فعنقو. هاد المجهود اللي دارو باش يدخل كون غير دارو باش يصلح مسرح محمد الخامس اللي تابع لوزارة الثقافة.

هاد البنسعيدي مع عدد من صحاب الرجل الثاني فالبام فهاد القطاع، كانو ديما حاضرين لسهرات دار السلام اللي كتكون بعد كل حفلة من حفلات “موازين”.

كون غير كيحضرو سهرات مسرح محمد الخامس. مسرح مكرفص. تنظيم كارثي ومشاكل فالصوت وحتى “لاكليم” ما كاينش. جايبين فرفارة فسهرة كاظم الساهر.

كيفاش وزير فشل حتى فتدبير معلمة ثقافية بحال مسرح محمد الخامس وحتى حد ما حاسبو

إقرأ الخبر من مصدره