وكالات//
لأول مرة هضرات الممثلة الميريكانية جينيفر أنيستون على المعاناة ديالها مع محاولات الإنجاب، وقالت إنها جربات كاع الطرق باش تولد من تلقيح صناعي وحتى الأعشاب ولكن ما نجحاتش.
جينيفر أنيستون، لي خرجات في كوف ديال مجلة Allure طلعات ترند وتصدرات محركات البحث، قالت إنها عانات لسنوات طويلة مع التلقيح الاصطناعي، في الوقت لي الصحافة كانت تابعاها وتصورها وكتقول أنها حاملة ومخبية.
واعتبرت جينيفر أنيستون أن الخطأ الوحيد لي دارت أنها ما جمداتش البويضة ديالها باش تقدر تكفى المحاولة، ولكن دابة ما بقاتش كتفكر باش تولد.
وعلى انفصالها على براد بيت، قالت جنيفر إنستون أن الأمر ما كانش عندو علاقة بلولاد بحال لي كتبات الصحافة، ولكن تفارقت معاه لأنه هو بغا يهجرها.