فليكسبريس

Auteur/autrice : كود

  • طابلو « 7A، 1948» ديال الفنان المريكاني Pollock تباع ب181 مليون دولار فسوق الدلالة

    كود -وكالات //

    تباعت لوحة « 7A، 1948» ديال الفنان الأمريكي Jackson Pollock بثمن خيالي وصل لـ181 مليون دولار، فواحد المزاد الكبير اللي تنظّم فدار Christie’s فنيويورك. لبارح 18 ماي .

    المزاد عرف منافسة سخونة دامت  7 دقايق، وقدر الفنان  “بولوك” يحطم الرقم القياسي القديم ديالو بكثر من 3 مرات، حيث قبل خمس سنين  حقق أعلى ثمن وصلت ليه شي لوحة ديالو ب 61.2 مليون دولار.

    لوحة «رقم 7A، 1948» اللي ترسمات عام 1948، كتعتبر من أشهر الأعمال ديال بولوك وأكثرها تأثير فالفن الحديث، خصوصاً أنه كان معروف بالأسلوب ديالو المختلف اللي كيعتمد على “التنقيط” أو “التقطير”، واللي خرج بيه على القواعد التقليدية ديال الرسم فـالقرن العشرين وبدّل نظرة العالم للفن التشكيلي.

    وماكانش هاد البيع غير صفقة عادية، ولكن حدث كبير فعالم الفن المعاصر، خصوصاً أن الأعمال اللي تباعات كانت ضمن المجموعة الفنية ديال رجل الإعلام الأمريكي الراحل Samuel Irving Newhouse، اللي كان من أكبر جامعي اللوحات الفنية فالعالم.

    المزاد عرف حتى بيع منحوتة «دانايد» للنحات الروماني Constantin Brancusi بثمن فات 107 ملايين دولار.
    أما الفنان الإسباني Joan Miró فسجل رقم قياسي جديد بعدما تباعات اللوحة ديالو «بورتريه مدام K» اللي رسمها عام 1924 بـ53.5 مليون دولار.

    وبالنسبة لأعمال Pablo Picasso، بقات محافظة على القيمة الكبيرة ديالها فسوق الفن العالمي، حيث تباعات منحوتة «رأس امرأة (فرناند)» بـ48.3 مليون دولار، وهي عمل راجع لعام 1909.

    كما تباعات لوحة «رجل هاز  غيتارا» بـ40.8 مليون دولار، ومنحوتة «المرأة الحامل – النسخة الأولى» بـ22.4 مليون دولار، ولوحة أخرى بعنوان «رأس امرأة» بـ14.4 مليون دولار.

    هاد الأرقام الكبيرة كيبانو بوضوح باللي الأعمال الفنية الغابرة  ديال الفنانين الراحلين ولات  رمز للقوة الاقتصادية والمكانة الثقافية عند الأثرياء وهواة جمع الفن.

    إقرأ الخبر من مصدره

  • كيخدمو غير بالنية… AI Phone سيستام جديد ديال التلفونات غا يسهل الإستعمال

    كود -وكالات //

    العالم ديال التكنولوجيا داخل فواحد التحول كبير مني بان  بـ”الهاتف الوكيل”، هاد لجيل جديد من التلفونات الذكية اللي خدامة بالذكاء الاصطناعي، قادرة تفهم احتياجات المستخدم، و تاخذ قرارات، دير مهام بشكل شبه مستقل ،عوض ما بنادم يحل التطبيقات ولا يقلب على نوامر  ، التلفون الجديد غادي يولي يقدر يحلل الميياجات والمواعيد وينظم المهام بشكل أوتوماتيكي، ويرزيرفرث  الرحلات و يريگل الاجتماعات، غير بأوامر بسيطة أو حتى بلا تدخل مباشر.

    وكيختلف هاد الجيل الجديد على المساعدات الصوتية التقليدية بحال Siri وGoogle Assistant، حيث ماكيبقاش غير يجاوب على الأوامر، ولكن كيخدم بشكل استباقي اعتماداً على بيانات المستخدم والسياق ديال النشاط اليومي ديالو، يعني تلفون يقدر مستقبلاً يراجع الإيميلات، يقارن أثمنة الرحلات، يختار البلايص، وحتى يعاود ينظم المواعيد أوتوماتيكياً إلا وقع شي تغيير أو تأخير.

    وهاد التطور ممكن حتى يبدل بشكل جذري الطريقة اللي الناس كيستعملو بها التطبيقات. عوض يبقى المستخدم كيتنقل بين عشرات التطبيقات، غادي يولي الذكاء الاصطناعي هو الواجهة الرئيسية للتعامل مع الهاتف، اما التطبيقات غادي تخدم فالكواليس بلا ما يحس بها المستخدم. وشركات التكنولوجيا الكبيرة بحال Google وApple خدامة على دمج الذكاء الاصطناعي مباشرة فأنظمة التشغيل، فخطوة ممكن تعاود تعرف مفهوم الهاتف الذكي فالسنوات الجاية

    وخا الحماس الكبير اللي كاين على هاد التقنية، مزال كتخوف من قلة الخصوصية وفقدان السيطرة على المعطيات الشخصية، خصوصاً مع قدرة هاد الأنظمة باش دخل للميساجات والمعلومات الحساسة واتاهد قرارات بلاصة المستخدمين.

    إقرأ الخبر من مصدره

  • الكاف ختارو المغربي مروان بنطالب رجل ماتش الأشبال وولاد الفراعنة فكان U17

    گود سبور//

    اختارو الاتحاد الإفريقي لكرة القدم، اللاعب المغربي مروان بنطالب أحسن لاعب فماتش المغرب ومصر، اليوم الثلاثاء ضمن الجولة الثالثة من كأس إفريقيا لأقل من 17 عام.

    وبعدما تألق فماتش المنتخب الوطني المغربي ومصر، اللي تلعب فمركب محمد السادس لكرة القدم فسلا، اختارو الكاف محمد بنطالب رجل الماتش.

    محمد بنطالب دار ماتش كبير وقدر يساهم مع صحابو الأشبال فالرباح على ولاد الفراعنة بنتيجة 2-1، والتأهل لربع نهائي كاس إفريقيا لأقل من 17 عام، والتأهل لمونديال أقل من 17 عام.

    إقرأ الخبر من مصدره

  • كاس افريقيا U17: الأشبال ربحو مصر وتأهلو للمونديال ولربع الكان

    گود سبور//

    تأهل المنتخب الوطني المغربي لاقل من 17 عام، لكاس العالم 2026 فقطر لاقل من 17 عام.

    وضمن المنتخب الوطني المغربي لاقل من 17 عام المشاركة فالمونديال، بعد تأهل لربع نهائي كاس افريقيا اقل من 17 عام، المقامة حاليا فالمغرب، بعدما ربح منتخب مصر ضمن الجولة الثالثة من دور المجموعات بنتيجة 2-1.

    المنتخب الوطني المغربي قدر يجمع 7 النقاط من 2 رباحات على مصر وإثيوبيا وتعادل مع تونس وتأهل لربع نهائي كاس افريقيا U17 وهو متصدر المجموعة الأولى.

    إقرأ الخبر من مصدره

  • تقرير دولي.. المغرب غايكون قوة اقتصادية وجيوسياسية كبيرة فلافريك

    محمود الركيبي -كود- العيون //

    أكد تقرير صادر عن مركز الأبحاث الأمريكي المرموق “The Stimson Center” أن قضية الصحراء المغربية شهدت خلال السنوات الأخيرة تطورات دبلوماسية مهمة لصالح المملكة، مشيراً إلى تنامي الدعم الدولي لمبادرة الحكم الذاتي باعتبارها مقترحاً جدياً وواقعياً وذا مصداقية لإنهاء هذا النزاع الإقليمي.

    التقرير وضح بلي عدداً متزايداً من الدول بات ينظر إلى الجزائر باعتبارها طرفاً رئيسياً في هذا النزاع، في الوقت الذي عزز فيه المغرب موقعه الدبلوماسي من خلال شراكات استراتيجية متنامية، واستقرار سياسي، واستثمارات مستمرة في الأقاليم الجنوبية، إلى جانب توسيع حضوره الدولي في هذا الملف.

    وأضاف التقرير أن هذه الدينامية الداعمة للمقترح المغربي تجسدت في مواقف دولية متزايدة التأييد، سواء عبر دعم سياسي مباشر أو من خلال افتتاح قنصليات في الأقاليم الجنوبية للمملكة، وهو ما يعكس، وفق التقرير، تحولاً تدريجياً في المواقف الدولية تجاه هذا النزاع.

    وفسياق متصل، أبرز التقرير المكانة الاستراتيجية المتنامية للمغرب، مؤكداً أنه أصبح واحداً من أبرز الدول الصاعدة في إفريقيا والعالم العربي، بفضل استقراره السياسي، وتقدمه الصناعي، والتحولات الاقتصادية العميقة التي يشهدها.

    وأشار إلى أن المغرب يرسخ موقعه كقوة إقليمية متوسطة ذات تأثير استراتيجي، تربط بين أوروبا وإفريقيا والشرق الأوسط، مستفيداً من موقعه الجغرافي المتميز، وقدرته على التكيف مع التحولات الاقتصادية العالمية.

    كما أوضح التقرير أن المملكة نجحت في إعادة صياغة نموذجها الاقتصادي خلال العقدين الأخيرين، بالانتقال من اقتصاد تقليدي إلى منصة صناعية متقدمة، ومركز لوجستي إقليمي، وفاعل صاعد في قطاع الطاقة، مع طموح لتعزيز موقعها كقطب تكنولوجي وصناعي في القارة الإفريقية.

    وسلط الضوء على التطور الذي حققته قطاعات السيارات والطيران والإلكترونيات والطاقات المتجددة، مؤكداً أن المغرب بات مندمجاً بشكل متزايد في سلاسل القيمة العالمية، بفضل بنياته التحتية الحديثة، واتفاقياته التجارية المتعددة، ومناخ الاستثمار الجاذب.

    وفي هذا الإطار، اعتبر التقرير أن قطاع صناعة السيارات في المغرب أصبح من بين الأكثر تطوراً على الصعيد الإفريقي، مع قدرات إنتاجية وتصديرية متنامية، جعلت المملكة منصة صناعية معتمدة لدى عدد من الفاعلين الدوليين.

    أما في المجال الطاقي، فأبرز التقرير التقدم الكبير الذي أحرزه المغرب في مشاريع الطاقة المتجددة، خاصة الشمسية والريحية والهيدروجين الأخضر، مشيراً إلى أن المملكة مؤهلة لتصبح مورداً استراتيجياً للطاقة النظيفة نحو أوروبا، وأضاف بأن الموقع الجغرافي للمغرب يمنحه دوراً محورياً كجسر استراتيجي بين القارات، في وقت يواصل فيه ميناء طنجة المتوسط ترسيخ مكانته كأحد أهم الموانئ في حوض المتوسط وإفريقيا.

    وعلى المستوى الدبلوماسي، وصف التقرير المغرب بأنه فاعل إفريقي متنامي التأثير، بفضل توسع حضوره الاقتصادي في إفريقيا جنوب الصحراء، وتزايد استثماراته في قطاعات الأبناك والاتصالات والتأمين والبنيات التحتية.

    كما نوه بالشراكات الاستراتيجية التي تجمع المغرب بكل من الاتحاد الأوروبي والولايات المتحدة الأمريكية، خصوصاً في مجالات الأمن ومكافحة الإرهاب والهجرة والاستقرار الإقليمي.

    واختتم التقرير بالتأكيد على أن المغرب، بفضل استقراره السياسي واستثماراته الكبرى وموقعه الجغرافي ومؤهلاته الصناعية، مرشح لأن يصبح خلال العقود المقبلة إحدى أهم القوى الاقتصادية والجيوسياسية في إفريقيا والفضاء المتوسطي، وفاعلاً محورياً في التحولات الاقتصادية العالمية.

    إقرأ الخبر من مصدره

  • فاش وهبي كيقوليهم راه عار على المغرب مزال كيزوج القاصرات، كيقولوا عليه باغي يغير شرع الله، وفاش جا خليجي يطبق شرع الله في بلاد الإسلام، وعيط لصحابو يجيو يتزوجوا القاصرات ناضوا كيغوتوا وا دولتاه

    محمد سقراط-كود///

    فاش وهبي كيقوليهم راه عار على المغرب مزال كيزوج القاصرات، كيقولوا عليه باغي يغير شرع الله، وفاش جا خليجي يطبق شرع الله في بلاد الإسلام، وعيط لصحابو يجيو يتزوجوا القاصرات ناضوا كيغوتوا وا دولتاه، راه جايين الخليجيين كيشجعوا على الزواج من القاصرات، راه وهبي باغي يحمي القاصرات من الزواج من المغاربة والأجانب وكولشي، كيقولها ويعاودها بلاصة البنات هي المدرسة ماشي الزواج، وطبعا تعرض لهجوم وتكفر وتزندق وعتابروه من رجال الشيطان في أرض الإسلام، ومحرشاه الماسونية على المغاربة وعقيدتهم ودينهم.

    بما أن القانون باقي مكيمنعش زواج القاصرات ومكيحميهمش من الزواج المبكر لأنه آفة اجتماعية وحقوقية وجريمة في حق هاد الطفلات وفي حق البلاد ككل، إذن شنو العيب إلى خليجي تزوج قاصر او جوج او تلاتة او ربعة وعيط لصحابو حتى هوما يتزوجوا بالعرام، مادارش شي حاجة مخالفة للقانون أو للشرع لي كيتذرعوا بيه هادوك أي ضد منع تزويج القاصرات، واش موشكليتهم مع الخليجي مايجيش يدير الحلال في البلاد لأنه ميسر وعندو باش، أو موشكيلتهم أنه دار الحلال مع القاصرات، ذإن هنا خاص منع تزويج القاصرات للمغاربة والأجانب وكولشي، ماشي هانية إلى كان معلم او فقيه مغربي وماهانياش إلى كان خليجي.

    باش البلاد تحمي القاصرات راه خاص تدير قوانين لحمايتهن وتكون كتطبق على الجميع، حماية القاصرات مخاصش تكون غير في الفايسبوك بالإدانات والتنديد، خاص أولا قانون واضح كيمنع تزويج القاصرات نهائيا، وإجبارية التمدرس البنت لي تمنك المدرسة يمشيو ليها حتى للدار يسولوا علاش، أما ماحد مكاينش هاد القوانين راه غادي يبقى يتزوج بيهم الخليجي والإفريقي والهندي والبنغلاديشي وأي جنسية، ولي مادارش فيديو واضح بحال داك خونا راه كيسيفط أوديو في واتساب فيه تفاصيل كثر، طبعا الزواج بالأجانب أنا ماشي ضدو بل العكس راه هو لي ساهم في تطور البشرية وغلبة الهونوسابيان على باقي أنواع البشر، ولكن أن القيامة تنوض على خليجي شجع الزواج القانوني بقاصرات مغربيات، بينما الوزير وهبي شعرو شاب في محاولة إقناع المغاربة بلي زواج القاصرات راه جريمة مجتمعية وعيب وعار، هادشي بصح كارثة حقيقية.

    إقرأ الخبر من مصدره

  • وصلهم الصهد.. صن داونز خافو من الكاف ومسحو تصويرة الخريطة

    كود سبور//

    حيدو ماميلودي صن داونز الجنوب افريقي، هاديك التصويرة اللي نشروه فيها خريطة المغرب مقسومة.

    وبعدما ناض الصداع عليهم وحسو بالصهد، مسحو ماميلودي صن داونز التصويرة المسيئة من الصفحات ديالهم.

    ونشرو صن داونز خريطة المغرب مقسومة، فخرق سافر للقوانين وأعراف الاتحاد الإفريقي لكرة القدم، التي تدين تسيير الكورة.

    خطوة صن داونز بمسح التصويرة جات من خوفهم لتصدر عليهم شي عقوبة من الاتحاد الإفريقي لكرة القدم.

    إقرأ الخبر من مصدره

  • كل الزملاء في ضيافة مديرية الأمن! أخشى أن يكون سبب الاستبعاد مخالفة ارتكبتها. أو غضبة. أو رادارا في الطريق. أو مزحة سمجة من طرفي. أو سوابق. أو نزقا وطيشا ملتصقان بسمعتي

    حميد زيد ـ كود//

    كل الصحافيين.

    كل الزملاء.

    كل الذين أتصل بهم لا يردون.

    كل الذين أبحث عنهم لا يوجدون.

    لأنهم كانوا مدعوين إلى حفل مديرية الأمن.

    ولا أحد من ممارسي مهنة الصحافة خارج المديرية.

    كلنا.

    كلنا بلا استثناء داخلها.

    إلا أنا. بلا دعوة.

    وحدي.

    دون الجميع.

    في الخارج.

    وأخشى أن يكون سبب هذا الإقصاء والاستبعاد مخالفة ارتكبتها.

    أو غضبة.

    أو تجاوزا للسرعة المسموح بها.

    أو رادارا في الطريق.

    أو مزحة سمجة من طرفي.

    أو سوابق.

    أو نزقا وطيشا ملتصقان بسمعتي.

    أو بسبب نقص أعاني منه في منسوب الوطنية.

    وفي تقدير الدور الذي يلعبه الأمن.

    وأحاول أن أتدارك.

    وأعتذر.

    لكنهم يمنحون الفرصة للجميع.

    ويستدعون كل المنابر.

    وكل الزملاء.

    والمتلائمين منهم.

    وغير المتلائمين.

    ومن مع المجلس الوطني للصحافة.

    ومن ضده.

    ومن لهم فيديو ومن ليس لهم.

    ومن له بودكاست ومن ليس له.

    إلا أنا يستثنونني دائما رغم أبوابهم المفتوحة.

    وفي كل مناسبة.

    وفي كل ذكرى.

    وفي كل سنة.

    وفي كل أبواب مفتوحة.

    يزداد عدد زملائي الذين يتوفرون على صورة تجمعهم بعبد اللطيف الحموشي.

    ويشهرونها بدل بطاقة الصحافة المنتهية صلاحيتها.

    ويضعونها في الفيسبوك.

    وفي الزجاج الأمامي للسيارة.

    ويبروزونها.

    ويعلقونها في الجدار.

    ويظهرونها للبقال.

    ويتقدمون بها في الخطبة.

    كي يقتنع والد زوجة المستقبل.

    بأهمية الزوج.

    وبقربه من دوائر القرار.

    ومن السلطة.

    ويقدمونها للحارس كي يسمح لهم بالدخول.

    وللكساب.

    ويستعملونها في الولوج.

    وفي عدم الوقوف في الطابور.

    إلا أنا.

    منبوذ.

    ومقصى.

    وخارج إطار الصورة.

    وأريد أن يسعفني الحظ وأصادف عبد اللطيف الحموشي.

    وأحصل بدوري على صورتي.

    إلا أن كل الأماكن التي أمر منها عادة لا يمر منها للأسف المدير العام للأمن الوطني.

    وكل عام.

    وبينما أنا أتقدم في السن. وأشيخ.

    يظهر صحافيون شباب.

    يلتحقون بالقدامى.

    ويتلقون بدورهم دعوة من مديرية الأمن.

    ويحصلون على الصورة الذي يبحث عنها الجميع.

    وأراهم في الفيديوهات.

    برباطات عنقهم.

    بالابتسامة تعلو محياهم.

    في سعادة غامرة.

    وأريد أن أشعر مثلهم أني محمي.

    وفي ضيافة الأمن.

    وأني مهم.

    ومؤثر.

    وفي خدمة الوطن.

    وأني صديق للسلطة.

    ولرجال الشرطة.

    وأني أخدم أنا الآخر بلدي من المجال الذي أشتغل فيه.

    لكن لا أحد يعيرني أي اهتمام.

    ولا من هو في حاجة إلى خدماتي.

    وإلى حضوري.

    وإلى دعم مني.

    ولا من يريد تغطية من تغطياتي.

    ولا مقالا من مقالاتي.

    ولا من يرغب في أدافع عنه في موقع كود.

    ولا في أي موقع آخر.

    وأحلم بأن يهطل علي المطر مثلما هطل على رشيد الوالي ولا أبالي بالبلل.

    من أجل أمن بلادي.

    وأحلم بأن أجلس أنا بدوري في مقعد من المقاعد المخصصة للضيوف.

    وأتفرج في الاستعراضات.

    لكنهم يرفضون أن يتيحوا لي هذه الفرصة.

    ويبني الأمن المقرات الجديدة.

    ويحتفل معه كل زملائي.

    ويحضر الممثلون.

    والمغنون.

    والمشاهير.

    والمؤثرون.

    إلا أنا.

    وقد تهيأت لهذه المناسبة.

    واشتريت بدلة.

    وربطة عنق.

    وموكاسان.

    وعطرا.

    وجيلا للشعر.

    منتظرا الدعوة.

    لكنهم يوجّهون الدعوة إلى الجميع ويستثنوني.

    وأنا متأكد أني سأذهب عندهم.

    يوما ما سوف أذهب.

    مضطرا.

    وأنه.

    ومهما طال الزمن.

    فإن الفرصة ستتاح لي.

    ولن يكون ذلك بدعوة

    ولا عن طيب خاطر

    بل باستدعاء

    ولن يكون بصورة.

    وبابتسامة.

    بل باستنطاق.

    وبسين وجيم.

    وحينها

    وحين سيتحقق حلمي وأحضر

    سيكون زملائي في الخارج

    بينما أنا وحدي في الداخل.

    وسوف أحاول أن أخرج.

    وأعود إلى البيت.

    بعد نهاية الحفل

    لكن الأبواب ستكون هذه المرة مغلقة.

    ولن يكون حفل

    ولن يكون عبد اللطيف الحموشي

    ولن تكون أي صورة.

    إقرأ الخبر من مصدره

  • مسؤولين عسكريين جزائريين وموريتانيين تلاقاو على الحدود المشتركة حدا تندوف

    الوالي الزاز -گود- العيون ///
    [email protected]

    عقد مسؤولون عسكريون موريتانيون وجزائريون إجتماعا على الخط الحدودي الموريتاني الجزائري، نهاية الأسبوع.

    وقال الجيش الموريتاني أن العقيد الشيخ سيدي بوي السالك، قائد المنطقة العسكرية الثانية واللواء كمال مراجي قائد القطاع العملياتي الجنوبي بتندوف، عقدا إجتماعا في سياق التنسيق الأمني المشترك بين المنطقة العسكرية الثانية.

    وأفاد الجيش الموريتاني أن الإجتماع خُصص لـ “تقييم الحالة الأمنية ميدانيا في منطقة الحدود المشتركة، وتدارس سبل تعزيز التنسيق الأمني المشترك بناء على تعليمات من قيادتي الجيشين، ذلك التنسيق الذي شهد تطورا ملحوظا بفضل عمل الوحدات المزج بها على الشريط الحدودي، حيث حد من نشاط التنقيب غير الشرعي عن الذهب وتهريب المواد المحرمة والمخدرات والهجرة غير الشرعية.”

    وكان الجيش الموريتاني قد أصدر أوامر صارمة بإخلاء مناطق التنقيب في ولاية تيرس زمور، شمال البلاد وخاصة في بئر أم أكرين، وكذا فرض قيود جديدة على نشاط المنقبين.

    ويأتي الإجتماع العسكري الموريتاني الجزائري في وقت تسعى فيه الجزائر بشكل حثيث لتوطيد التعاون الأمني مع موريتانيا لاسيما على الحدود المشتركة كمكسب يُمكّنها من إستعمال هذا التعاون الأمني وغطاء مكافحة الجريمة المنظمة كورقة ضغط مستقبلا.

    إقرأ الخبر من مصدره

  • من “الإله أكوش” حتى العيد الكبير.. كيفاش بقا الحولي مقدّس عند المغاربة من آلاف السنين

    كود -عثمان الشرقي //

    الهيلالة  لي كتنوض فالمغرب فيام العيد ،مكاينش بحالها لا فمكة ولا فالبتراء ولا حتى بلاد فالعالم ،هادشي مكيعنيش بان المغاربة دينايين حتى لهاد الدرجة ، وانما القضية عندها واحد العلاقة وجدانية تاريخية بين الحولي والإنسان المغربي من بكري .

    فاش كيهز الموري الموس ديالو صباح العيد ، وهو كيحساب ليه    كايطبّق شعيرة دينية إبراهيمية خالصة، معارفش بلي اليد ديالو كتجسد فاللاوعي الشخصي و الجماعي، طقس أقدم من الإسلام بآلاف السنين ،الذبيحة عند المغاربة ماشي غير شعيرة دينية جاية من الشرق ولكن ترسّب حضاري عميق فطبقات الذاكرة الأمازيغية، المقصود هنا الكبش المقدّس، إله الجدود، الإله اللي كان كيتسمّى “أكوش” واللي كان كيعكس فالميثولوجيا -لأمازيغية القوة الكونية والخصوبة والشمس.

    المؤرخ اليوناني هيرودوت سجّل بلؤ الأمازيغ القدام كانو كيدبحو تافاسكا (القرابين) للشمس والگمرة، وكانو كيبداو طقس الذبح بقطيع ودن الحولي ويرميوها فوق الديور قبل ما يكملو الذبح من العنق،وحتى عبادة وتقديس الحولي بقات عندنا فالمغرب حتى للعصور الوسطى، أبو عبيد الله البكري قال فواحد من الكتب ديالو بلي كاينين دواور فالجبل بين أغمات وسوس فجنوب المغرب مازال كيعبدو الخروف من بعد 4 القرون ديال دخول الإسلام للمغرب،قبل ما يبدا التحول تدريجيا فشكل الطقس.

    علماء الأنثروبولوجيا الدينية كيعرفو ظاهرة “التحوّل الطقوسي” (Ritual Transformation) بلي هي العملية اللي كتنتاقل فيها الطقوس الوثنية من المعاني الأصلية ديالها لسياقات دينية جديدة ، مع الاحتفاظ بالبنية الرمزية الأساسية ديالها، غير المعاني الظاهرة هي اللي كتبدّل، وهاد الشي بالضبط هو اللي وقع لطقس خروف العيد نهار العيد فالمغرب زيد عليها مناسبات اخرى بحال عيشورا وحاكوزا فين كيتدبح الدجاج.

    إيمازيغن كيسمّيو العيد الكبير “تفاسكا”، وهاد الكمة من ناحية الدلالية ما فيها حتى إشارة لسيدنا ابراهيم ولا إسماعيل ولا الحج؛ وإنما راجعة فالأصل ديالها فعل التضحية والقربان والإهداء المرتبط بالكبش المقدّس، المسلمين الأمازيغ حافظو على الاسم القديم ديال العيد، وعمّروه بحشوة دينية جديدة، فمحاولة ديال تكييف و استيعاب الموروث  باش يبقاو محافظين على الذاكرة الطوطمية القديمة .

    الحولي اللي كيتسمّى بالأمازيغية “ءيزمر” كيتعطى فالمغرب قربان فالطقوس الدينية والاجتماعية الأمازيغية قبل الإسلام، ومازال هادشي حاضر حتى لدابا فالأعراس والاحتفالات وطقوس الأضرحة والمزارات مني العريس ولا لي الزاير  شي فقير أو لي بغا يحيد النحس من قدام شي عتبة كيجيب حولي ولا ماعز ويدبحو باش تحضر البركة ، هاد الحضور ديال الخروف فمختلف السياقات ،الديني الإسلامي، والاجتماعي الثقافي، وحتى السحري الشفوي كيبين بلي القيمة الرمزية ديالو ما تبدّلاتش فالجوهر، ولكن غير فالشكل من إله وثني لشعيرة  إبراهيمية.

    ومن الدلائل عاوتاني ديال هاد الامتداد الطقوسي اللي سابق للإسلام هو ظاهرة “بوجلود” – “بيلماون”، الإحتفال الأمازيغي اللي كيدار ثاني يوم ديال عيد الكبير فالمناطق اللي فيها الأغلبية الأمازيغية فالمغرب، خصوصاً فسوس وأكادير وبعض دواوير الأطلس المتوسط مني كيلبسو الشباب البطانة ديال الماعز والخرفان، وكيدورو  فموكب احتفالي ، هازين كراعات الخرفان كيفرقو بهم “البركة” بضربات خفيفة على الناس.

    هاد الاستيعاب نجح  تاريخياً حيث المغاربة ما لغاوش طقس الذبح، ولكن عطاه رواية إبراهيمية جديدة، حتى ولا الكبش كيتذبح لنفس الغرض  ،التقرب من المقدّس وإثبات الولاء الكوني،  ومن ناحية أنثروبولوجية، الطقس هو النيت فالبنية العميقة ديالو ”الدم، الجماعة، الانتماء، والفداء.“

    إقرأ الخبر من مصدره