فليكسبريس

Auteur/autrice : كود

  • مكاينش شي إنسان في العالم كيعتبر اللغة العربية هي لوغتو الأم لأنها لغة كنتعلموها في المدرسة بحال باقي اللغات التانية وفي المغرب راها لغة إستعمار بحالها بحال الفرنسية والاسبانية

    محمد سقراط-كود///

    مكاينش شي إنسان في العالم تعتبر اللغة العربية عي لوغتو الأم، هادي حالة كتميز عربية على باقي اللغات وكون ممانتش لغة الدين والمنابر كون ماتت، علما ان العربية الحالية هي لغة حديثة ومحسنة ومبسطة ومعندها علاقة بالعربية القديمة، دابا نيت تقدر تلقى طالب جامعي ديال العربية وميفهمش الشعر ديال تأبط شرا أو الشنفرى أو أي شعر جاهلي وحتى في فترة الإسلام، راه غير الكتب الفقهية ديال داك مكتوبة بلغة مبدلة على العربية الحالية، راه في السعودية واليمن وكيتعلموا العربية كلغة تانية في المدرسة، وكتجي للمغرب وكتلقى واحد ماتعلم يقرى فقرة بالعربية حتى وصل للاعدادي ومع ذلك كيعتابر العربية لغته الأم وكيفتاخر بيها وباغي يفرضها على المغاربة لخريين.

    واحد المرة جربت ندوي بالعربية الفصحى في السعودية وبنت بحال الى خارج من شي رسوم متحركة ديال التمانينات، والطرف الآخر حتى هو سعودي زعمة من بلاد العربية، ومع ذلك كان كيجاوبني بلهجتو المحلية مخلطة بالانجليزية، ولقيت ان لونگلي هي لغة التواصل أصلا تم، بحكم ان الناس من جنسيات مختلفة وكلها ولوغتو الأم، العربية لغة البلايك والتلفازة نوعا ما، اما اللهجات المحلية ولونكلي هي لغة الواقع، كذلك في أي بلاد تعتبر راسها عربية تمشي ليها، راه تاحد ماغادي يهدر معاك بالعربية الفصحى مكاين غير اللهجات والعامية مخلطين مع العربية نيت ولغات أخرى، وخصوصا الخليج راه لونگلي عندهم منطوقة كثر من العربية الفصحى.

    لونگلي الى تعلمتيها يمكن تمشي لأي قنت في العالم وتهدر بهاديك اللغة لي تعلمتي ويفهموك وتواصل مع الناس، بينما العربية حدك شي مدرسة ديال التعليم العتيق وشوف تشوف، وطبعا انا معنديش معاها موشكيل كلغة بل العكس كنبغيها وعي لغتي الوحيدة لي متمكن منها وكنقرى ونكتب بيها، عندي موشكيل فاش كتحول اللغة لهوية، الهندي كيهدر بلونگلي كيبقى يعتابر راسو هيندي، والمغربي لي كيهدر بالفرونسي كيبقى مغربي، ولكن غير حيت كيهدر بالدارجة ماشي حتى بالعربية كيولي يعتابر راسو عربي قحطاني من بني عبس، العربية راه لغة مستعمر بحالها بحال الفرنسية والاسبانية ويمكن اعتبارها غنيمة من غنائم الاستعمار، ولكن ماخاصش تولي هوية.

    إقرأ الخبر من مصدره

  • بالفيديو. عائلة كتاهم مرة اخرى كلينيك.. سيدة دخلات “صحة وسلام” خرجات فتابوت: بغينا تحقيق

    أميمة عطية – كود كازا ///

    ماتت سيدة صباح اليوم الأربعاء 13 ماي، داخل إحدى لمصحات لخاصة بمنطقة سيدي معروف بمدينة الدار البيضاء، وهادشي بعد تدهور حالتها الصحية من ورا عملية طبية دارتها داخل المؤسسة الصحية أكديتال ” سيدي معروف”.

    وحسب معلومات توصلات بها ” كود” من بنت راحلة ، فإن الأم ديالها دخلت المصحة في وضع صحي عادي لإجراء تدخل طبي، قبل ما تتعرض مضاعفات مفاجئة داخل غرفة العمليات، وكالت االأسرة ديالها انها جاها “ميكروب” ف العملية.

    وزادت المتحدثة أن والدتها دار ليها لبنج من طرف مدير المصحة، لي هو طبيب في الأصل وهو ما أثار استغراب العائلة، لي اعتبرت الأمر غير معتاد، وفق تصريحها.

    وأكدت بنت الضحية أن والدتها خرجات غرفة العمليات بعد انتهاء التدخل، غير أن وضعها الصحي تدهور من بعد ، وماتت صباح اليوم الاربعاء.

    وعبرت الأسرة عن صدمة ديالها من الحادث، وطالبات بفتح تحقيق عاجل لتحديد ظروف وملابسات الوفاة وترتيب المسؤوليات.

    كما دعت العائلة إلى تدخل الجهات المختصة، من بينها وزارة الصحة والحماية الاجتماعية التي يشرف عليها الوزير أمين التهراوي، من أجل التحقيق في هذه الواقعة داخل المصحة الخاصة.

    إقرأ الخبر من مصدره

  • تيكو الكارطة.. ملي كيولي الدستور في جهة على كلام السياسيين في جهة.. سبحان الله ” الترحال ” ولا روندة .. من بعد ما كانت شي أحزاب دايرة على حملة ” اخلاقية” مزيفة باش تبتز المقاعد ..

    فاطنة لويزا – كود//

    ياك قالها الكاتب الأول بلسانه في التلفزة، وبلا ما يرمش ليه جفن.. خاصنا نتيكو الكارطة… ومن تما وحنا كنتفرجو في أكبر عملية غسيل للألوان السياسية في تاريخ المغرب الحديث…

    القضية يا خوتي ما بقاتش أحزاب .. وبرامج.. وتأطير.. ونضال كيبدا من الشبيبة حتى للبرلمان، هاديك الهضرة ديال الكتيبات بقات غير في الرفوف…
    الواقع اليوم كيقول إن السياسة ولات قمار انتخابي بامتياز، وخا القانون والشورى والدستور كيهضروا لغة أخرى تماما، لغة كتبان غريبة على هاد النخب اللي ولات كتعامل مع التزكيات بحال الأسهم في البورصة، وما بقاش عندها داك النفس اللي كيخليها تخاف على كرامة المنتمين ليها…

    فإلى جينا نشوفو الورقة والستيلو ونرجعو للنصوص اللي كيتغناو بيها في الندوات .. راه القانون التنظيمي رقم 29.11 المتعلق بالأحزاب السياسية، اللي جا تماشيا مع الفصل 61 من الدستور كان الهدف منه هو يخلي للسياسة وجه ويقطع الطريق على الشناقة اللي كيدوزو من حزب لحزب بحال اللي كيبدل القاميجة…

    القانون كيعتبر الترحال السياسي خيانة عظمى لإرادة الناخبين، حيت الناس صوتو على وجه وعلى انتماء ماشي على سلعة للبيع… وعقوبتو واضحة وصريحة.. تجريد العضوية…

    يعني القانون كيقوليك إيلا كنتي في البرلمان،، سواء نواب ولا مستشارين، ولا حتى في الجماعات والمجالس الجهوية، وبغيتي تبدل الجلدة وتسمح في الحزب اللي ترشحتي بسميتو، راه خاصك تحط السوارت وتخوي المقعد بقوة المحكمة الدستورية…

    هاد القانون الهدف ديالو هو تخليق الحياة العامة، وباش المواطن ما يحسش بالخدلان والغبينة ملي يشوف اللي صوت عليه ولا كيغني في جوق آخر… ولكن، واش هاد الصرامة القانونية وقفات هاد الروندا؟ أبدا…

    السياسيين الحريفية اللي كيهضر عليهم إدريس لشكر، لقاو الثغرات حتى في الحجر، ومابقاوش كيديرو اعتبار للمشاعر ديال الناس اللي كيساندوهم… المادة 20 من قانون الأحزاب كتقول ممنوع الانخراط في جوج أحزاب دقة وحدة…

    ولكن الجنون ديال الانتخابات كيبداو تحميو الطرح بالاستقالات قبل الأوان واللي جزء كبير منها تتقبل بمقابل .. أو كيدفعو الناس للطرد بقرار تأديبي باش يحافظوا على المقعد كمستقل بدون انتماء ويخدمو الأجندة ديال حزب آخر في كواليس المجالس…

    هادي هي تيكو الكارطة بالعلالي،، كتلعب بالقانون وبمصير البلاد وبأحلام الشباب، باش تخرج رابح وخا تكون خاسر أخلاقيا وقدام عينين الناس… القانون جا باش يقوي الأحزاب ويفرض الانضباط، وباش الحزب يربي وليداتو في تربية د الحزب حقيقية فيها الحب والولاء والانتماء…

    ولكن تخيلو معايا الحكرة اللي كيحس بها هاداك الدري اللي دخل للحزب وعندو 17 عام، وبقا غادي كيتسنى نوبتو وكياكل الدق في الوقفات والاجتماعات،، وكيسهر الليالي كيصوب المنشورات، وكيحلم يوصل نهار ويهز صوت حزبه…

    هاد الدري فاش كيوصل لسن النضج الحزبي الترشيح اللي هو فعمره اكثر من 35 سنة، صدق كيشوف الباراشوت نازل عليه من الفوق… واحد كان البارح كينتقد الوردة أو الميزان أو الحمامة وكيسب في الزعماء ديالها،، واليوم صبحت عندو التزكية في جيبو وكالس في الصف الأول، غير حيت هو لاعب كبير ( كويري ) في الانتخابات.، وعندو الشكارة والبكية…

    هاد الرحالة الجدد هما اللي ولاو كيتحكموا في الخريطة،، وهوما اللي كيطبقوا نظام تيكو الكارطة بلا رحمة… إدريس لشكر فاش رمى هاد الجملة، كان كيهضر بلغة الواقعية الباردة اللي كتضرب عرض الحائط بكل مقتضيات التربية اللي كينص عليها الدستور والقوانين التنظيمية الانتخابية والقانون التنظيمي الاحزاب السياسي او حتى بخطاب الأخلاقي اللي تروج له فاش كانت مناقشة القانون التنظيمي لمجلس النواب …

    ولينا كنشوفو أحزاب ولات بحال فنادق 5 نجوم، اللي خلص كتر أو اللي عندو الجاه والقبيلة كيطلع للسطح وكياخد الفي آي بي، والشباب اللي كبروا وسط المبادئ وتشبعوا بالفكر الحزبي كيبقاو غير ديكور في المؤتمرات باش يعمروا القاعة ويصفقوا للوافد الجديد…

    هاد تهركاويت السياسية هي اللي خلات المواطن المغربي يجمع يديه ويقول كلهم بحال بحال، حيت مابقاش كيشوف في السياسي داك القدوة اللي كيربي الأجيال، بل كيشوف فيه سمسار ديال تزكيات…

    ملي كيخرج زعيم حزبي يبرر الترحال ويسميه انفتاح أو ضرورة مرحلية باش يضمن الفريق البرلماني،، راه تما فين كتموت الثقة وتندفن الإنسانية في العمل السياسي… القانون كيهضر على احترام إرادة الناخب اللي هو إنسان عنده أمل، والواقع كيهضر على توزيع الأدوار بين نخب محدودة مدورة روندا بيناتها…
    والخطير في الأمر هو ملي كيولي هاد الترحال ممارسة عادية ومقبولة، بل ومطلوبة عند شي أحزاب كتسنى الميركاتو الشتوي ديال الانتخابات باش تخطف لعابة من أحزاب منافسة،، وكأننا في ماتش ديال الكورة ماشي في مصير ديال أمة…

    إيوة، تيكيو الكارطة كما بغيتو،، وديرو الروندا حتى تعياو، ولكن راه هاد المسافة اللي كيكبرها الترحال بين نصوص القانون ووجع الناس هي اللي خلات السياسة عندنا تفقد الروح ديالها…

    القانون المغربي دار مجهود جبار باش يمنع البيع والشراء في المقاعد، ودار شروط قاصحة باش يفرض الأخلاق، ولكن هاد الواقعية المفرطة ديال تيكو الكارطة حولات الأحزاب لـ دكاكين موسمية بلا قلب…

    السياسة يا إما تكون أخلاق وتربية وتأطير حقيقي لهاديك التربية د الحزب اللي كتموت بالعطش وهي كتشوف البراني كياخد حقها،، ولا نخليوها لصحاب الكارطة يكملوا طرحهم بعيد علينا… والمحكمة الدستورية راه حاضية غير اللي زلق، وخا الحريفية ديما كيديروا الصابون تحت الرجلين باش ما يطيحوش..
    المغاربة اليوم ما بقاوش محتاجين للي يتيك الكارطة قدامهم، محتاجين للي يحترم ذكاءهم، ويحس بالمرارة اللي كيحسو بها ملي كيشوفو مبادئهم كتباع في المزاد العلني…

    حيت في الاخبر ،،. ملي كتسالي ( البارتية / جولة ) ديال الكارطة وكيفرقوا الغنائم،، ، المواطن هو اللي كيبقى شاد الورقة الخاوية وكيتسنى في التغيير اللي ما بغا يجي،،، مادام الرحالة هما اللي شادين الفولان…

    إيوة يا سي لشكر ويا كل من كيآمن بـ “تيكو الكارطة”.. راه ملي كتحولو الحزب ل ” دكان” كيعطي التزكيات بالباراشوت،،،. راكم كتحكمو على هاديك التربية د الحزب بالإعدام.. السياسة راه هي الأخلاق ولا فلا،، والقانون اللي جا يمنع الترحال ماشي غير ديكور،، هو محاولة باش نرجو للعمل السياسي هيبتو.. إيلا استمريتو في هاد الروندا،، غيجي واحد النهار وتلقاو راسكم في قاعات خاوية واللي أصلا راكم فيها الان .. اللي كلشي عارف كيفتس تتعمرو قاعات المؤتمرات د الحزب .. او بلا ما نذكركم بالفديو اللي تيقول فيه واحد تريتوو انه يمكن يكري القاعة للأحزاب بالناس اللي تحضر واللي اغلبهم عيالات ،،،

    المهم راه حتى واحد ما غيبقى يتيق في “عائلة” كتسمح في ولادها على قبل واحد هبط من الفوق ب “جاكيط” جديدة وشكارة عامرة.. باراكا من القمار بمستقبلنا ،، راه الكارطة ملي كتبرد الطبلة كتتشتت والكل كيخرج خاسر…

    إقرأ الخبر من مصدره

  • ماكرون فقمة افريقيا ف نيروبي قدام أخنوش: للي حققو المغرب فالتعليم تحت قيادة الملك ثورة مذهلة ونموذج للقارة

    كود الرباط//

    التجربة المغربية ف إصلاح منظومة التربية والتكوين كانت محور إشادة دولية واسعة، اليوم الاثنين بالعاصمة الكينية نيروبي، وذلك على لسان الرئيس الفرنسي إيمانويل ماكرون، الذي لم يتردد في وصف المنجزات المغربية بـ”الثورة المذهلة”.

    https://www.facebook.com/share/v/1DsbFZ4kkY/?mibextid=wwXIfr

    وخلال كلمته في افتتاح قمة “إفريقيا إلى الأمام” (Africa Forward)، توقف الرئيس الفرنسي مطولاً عند النموذج المغربي في قطاع التعليم، مؤكداً أن ما حققته المملكة تحت السلطة المباشرة للملك محمد السادس، يُعد نموذجاً ملهماً لكافة دول القارة الإفريقية.

    وأوضح ماكرون أن هذا التميز يشمل كافة المستويات، بدءاً من التعليم الابتدائي وصولاً إلى الجامعي، مستشهداً بالنتائج المبهرة التي يحققها الطلبة المغاربة في كبريات المدارس الفرنسية، وعلى رأسها مدرسة “البوليتكنيك”، حيث قال:”النتائج ملموسة، الشباب القادمون من المغرب هم من بين الأفضل في مدارسنا الكبرى””.

    وجاءت هذه التصريحات القوية أمام أنظار رئيس الحكومة، عزيز أخنوش، الذي يحضر هذه القمة بتكليف سامٍ من جلالة الملك لتمثيل المملكة في هذا المحفل القاري والدولي الهام.
    وكان أخنوش قد حل بنيروبي مساء الأحد، حيث يقود وفداً مغربياً رفيع المستوى للمشاركة في قمتين بارزتين: القمة الإفريقية-الفرنسية، والقمة الرابعة لرؤساء دول وحكومات لجنة المناخ لحوض الكونغو والصندوق الأزرق.

    وتأتي هذه الإشادة في وقت يعزز فيه المغرب مكانته كقطب إقليمي في تكوين الرأسمال البشري، كما تعكس التقدير الدولي للرؤية الملكية الاستراتيجية التي وضعت العنصر البشري والتعليم في قلب النموذج التنموي الجديد.
    ويشكل حضور رئيس الحكومة في هذه القمم، إلى جانب قادة الدول الإفريقية والشركاء الدوليين، مناسبة لتأكيد انخراط المغرب الدائم في قضايا القارة، سواء تعلق الأمر بالتنمية الاقتصادية أو بمواجهة التحديات المناخية الكبرى.

    إقرأ الخبر من مصدره

  • من بعد زيارتها لبلادنا.. عالمة بريطانية: المغاربة طبقو ميكانيكا السوائل فالبرّاد ديال أتاي من هادي قرون (فيديو)

    كود – وكالات //

    مني زارت عالمة الرياضيات البريطانية ”هانا فراي‘‘ المغرب، دهشرها برّاد أتاي المغربي التقليدي، واعتبراتو مثال على كيفاش كتلتاقا البساطة ديال الحياة اليومية مع تصميم هندسي دقيق.

    وقالت ”هانا فراي“ بلي شكل فم البرّاد، خصوصاً تعويجة ديالو اللي كتشبه حرفS، واللي كتعاون فْكْبَّان أتاي بطريقة ساهلة ومنظمة ما فيها تقطار ولا رشان .

    وضافت البروفيسورة الجامعية أن هاد التصميم ماشي غير زوين من ناحية الشكل، ولكن مبني على مبادئ فيزيائية كتتعلق بـتدفق السوائل، حيتاش مني كتوجه الما وسط فن البراد  كاتخليه يخرج تقريباً فخط واحد، وهادشي هو اللي كيسمّيوه العلماء التدفق الصفائحي.

    https://www.instagram.com/reel/DXUVPsuDQQ-/?igsh=MXI2enR5MHNpbjJiZg==

    وقالت العالمة أن هاد الدقة فالتصميم كتعكس فهم عملي عميق لميكانيكا السوائل، حتى من غير استعمال أدوات علمية جديدة، كيف ما شارت العالمة بلي علماء ميكانيكا السوائل فالتسعينات وصلو لنتائج قريبة من هاد الشي مورا أبحاث رياضية معقدة، خصوصاً فموضوع كيفاش نتفاداو نقطو برّاد الشاي، ولكن المفاجأة هي أن الحل النهائي كان بسيط بزاف، تصميم جعبة مقوسة وماضية، وهي الفكرة اللي كانت مستعملة تقليدياً فبعض الصناعات الحرفية المغربية من قرون.

    وفرحلتها السياحية لمدينة مراكش، استغلات ”هانا فراي“ الفرصة باش تكتاشف التراث المغربي من زاوية علمية وهندسية، وما كانتش غير زيارة سياحية عادية، ولكن  حتى قراءة للتقاليد المغربية بعين رياضية، كتربط بين الجمال والرياضيات فالحياة اليومية.

    وخصصات العالمة جزء من تجربتها باش تهضر على الزليج المغربي، اللي وصفاتو بأنه نموذج للهندسة التطبيقية التقليدية، حيت كيتبنى من خطوط مسگمة ودواير معبورة كتعطي ستيلات متناسقة ومعقدة فدقة وحدة، ولي من ببنها النجمة التمانية، اللي كتكشل لاباز  فبزاف ديال التصاميم.

    وأكدت هانا فراي أن هاد الأشكال الهندسية ابتاكروها المغاربة من قرون، بلا حواسيب وبلا كالكيلاتريس، الشي لي كيبين تامعلميت والحرفة ديال المغاربة القدام وشحال قادرين يحولو مفاهيم رياضية معقدة لفن بصري متكامل.

    كيف ماعتبرت أن التراث المغربي كيعطي مثال حي على كيفاش التجربة الحرفية تقدر توصل لحلول هندسية دقيقة ومثالية، حتى بلا معادلات ولا نماذج علمية حديثة.



    إقرأ الخبر من مصدره

  • شاب من أصل مغربي توج راسو ’’ملك سويسرا” بعدما هرف على 151 عقار بشكل قانوني

    كود ـ وكالات//

    نوض واحد الشاب سويسري من أصل مغربي اسمو يونس Lauwiner الروينة فسويسرا، بعدما توج راسو بشكل رمزي “ملك سويسرا”، وقدر يبني ثروة عقارية كبيرة باستغلال القانون السويسري.

    يونس تزاد عام 1994 من أم مغربية وأب سويسري، وكبر فمدينة إنترلاكن قبل ما يمشي يعيش فـBern، فاللول كان خدام فالإعلاميات، من بعد تبدل المسار ديالو وبدا كيهتم بالأراضي والعبارات.

    القانون السويسري كيسمح فبعض الحالات بتسجيل الأراضي بطريقة قانونية لي معندهاش مولاها، وهاد الشي خلا يونس يجمع عدد كبير من العقارات والأراضي فعدد من بلايص وسط البلاد.

    وفـ2019، دار احتفال رمزي وسمّى راسو “ملك”، ومن بعد بدات وسائل إعلام سويسرية كتلقبو بـ”ملك سويسرا”، وخا  أنه ما عندوش أي سلطة سياسية حقيقية.

    مني وصلات 2025، طلع عدد الممتلكات ديالو لـ151 عقار موزعين على 9 كانتونات، من بينها أراضٍ فلاحية وغابات وحتى أجزاء من طرق عمومية، وهاد الشي معجبش بزاف د السويسريين.

    كاين اللي اعتابر يونس شخص ذكي عرف كيفاش يستغل القانون ويبني مشروع ناجح، وكاين اللي انتاقد امتلاكو لأجزاء من الطرق العمومية وخاف من التأثير ديال هاد الشي على المصلحة العامة.

    İsviçre yasalarındaki dev boşluğu keşfeden 31 yaşındaki Jonas Lauwiner, tek kuruş ödemeden tam 148 arazinin sahibi oldu

    24 yaşından beri yürüttüğü bu stratejiyle 117 bin metrekare toprağı ve 83 yolu kontrol ediyor.

    Üstelik sadece toprak sahibi olmakla kalmadı, kendi… pic.twitter.com/Xf65QZVxtq

    — Posta.com.tr (@postacomtr) May 2, 2026

    وخا هكاك، كيأكد يوناس باللي كلشي كيدوز بطريقة قانونية، وأنه كيخلص الضرائب ديالو بشكل عادي، وكيشوف بأن لقب “الملك” غير رمزي وما عندوش علاقة بالحكم أو السلطة.

    يونس دخل حتى للمجال السياسي المحلي، بعدما تم انتخابو عضو فمجلس مدينة بورغدورف ف 2025، وكيقول إن الفكرة ديالو ما كتعارضش الديمقراطية، ولكن كتعبّر على الطموح وتحمل المسؤولية.



    إقرأ الخبر من مصدره

  • من بعد سنين ديال الأبحاث.. شجرة الأركان دخلات للمنظومة الفلاحية العصرية و10 آلاف هكتار منها تغرسات ف 3 الجهات

    كود – أگادير//

    المغرب غادي يدخل مرحلة جديدة فإنتاج زيت الأركان، بعدما علنات الوكالة الوطنية لتنمية مناطق الواحات وشجر الأركان أن أولى كميات “الأركان الفلاحي” غادي تبدا تخرج ابتداءً من الصيف الجاي، وهاد الشي لأول مرة فالمملكة، المشروع جا من بعد سنوات ديال البحث العلمي والتجارب اللي خلات شجرة الأرگان تنتقل من شجرة غابوية لنمط فلاحي عصري ومنظم.

    وجا هاد الإعلان وسط فعاليات الدورة السادسة لليوم العالمي لشجرة الأركان واختتام المؤتمر الدولي للأرگان فمدينة الصويرة.

    لطيفة اليعقوبي أكدات بلّي هاد الإنجاز ما كانش غادي يتحقق بلا التعاون بين الفلاحين والمهنيين والتعاونيات، خصوصاً العيالات القرويات اللي عندهم دور كبير فهاد القطاع، كيف ماضافت أن الابتكارات العلمية ولات اليوم واقع اقتصادي ملموس كيعطي نتائج على الأرض.

    النجاح ديال المشروع مرتبط ببرنامج “تنمية زراعة الأركان فالمناطق الهشة”، اللي تدار بشراكة مع الصندوق الأخضر للمناخ، وقدر يغرس أكثر من 10 آلاف هكتار ديال الأركان الفلاحي فجهات مراكش آسفي، سوس ماسة، وكلميم واد نون.

    وحسب معطيات الوكالة، استافد من البرنامج 5300 فلاح، من بينهم كثر من 1600 مرا قروية، كما وصلو المْشاتل المعتمدة الـ67، واللي كيوفرو أنواع محسنة جينياً من الأركان الفلاحي،كيفما تم  بناء 115 بلاصة لتجميع مياه الأمطار بطاقة كتفوت 23 ألف متر مكعب لضمان السقي قوقيتة الجفاف.

    الأبحاث العلمية اللي رافقات المشروع خلات نمو شتلات الأركان يطلع بنسبة وصلت لـ220 فالمية بفضل تقنيات التسميد الجديدة، وهاد الشي سرّع الإنتاج فمدة قصيرة مقارنة مع شحال هادي، زيد عليها الجانب الاقتصادي، وحتى الدراسات بينات أن الأركان الفلاحي كيساهم فحماية البيئة بتخزين كميات مهمة من الكربون والحفاظ على التنوع البيولوجي، الشي اللي ممكن يحل للمغرب باب الاستفادة من أسواق الكربون الدولية مستقبلاً.

    إقرأ الخبر من مصدره

  • علاش كيليان مبابي كيبان “منتصب القامة يمشي” وخا لاعب ماتش؟

    كود سبور//

    بزاف ديال الناس لي كيتفرجو فالكورة كيشوفو بلي كيليان مبابي فقمة الشموخ البدني وهو كيلعب كورة وخا ستريس ديال الماتش والجمهور، الشي لي خلا بزاف ديال الناس كيسولو كيفاش دار لها؟

    الأبحاث كتقول إن الرجال كيختلفو فالشكل والحجم ديال القضيب مني تيكون فحالة الراحة ومني تيكون فحالة الانتصاب، العلماء لاحظو جوج ديال الأنواع معروفين، النوع اللول كيتسمّى “-المطاطي أو Grower”، وفيه القضيب كيبان صغير ملي كيكون مرخي، ولكن ملي كيوقع الانتصاب كيكبر بشكل باين وكبير، والنوع الثاني كيتسمّى “الاستعراضي ولا Shower”، وفيه القضيب كيبان كبير وخا مرخي، ولكن التغيّر فالحجم وقت الانتصاب كيكون قليل، ولكن أكثر الرجال فالعالم كينتميو للنوع اللول بنسبة 80 فالمية.

    السبب فهاد الاختلاف بسيط ومرتابط بطبيعة الأنسجة اللي وسط القضيب، كاينين رجال عندهم أنسجة مرنة كثر كتسمح بتمدّد كبير وقت الانتصاب، وكاينين رجال آخرين عندهم أنسجة مجموعة، وهاد الشي كيخلي الحجم يبان كبير حتى فحالة الراحة، وهاذ الفرق غالباً كيتحدد بالجينات الوراثية، يعني الشخص ماعندوش تحكّم فيه.

    وأهم نقطة هي أن الجوج ديال الأنواع طبيعيين وصحّيين، وماعندهم حتى علاقة بالقدرة الجنسية ولا بالصحة المشكل الحقيقي هو أن بزاف ديال الرجال كيحكمو على راسهم غير من الشكل ديال الارتخاء، وهاد الشي كيقدر يسبب ليهم قلق نفسي بلا سبب، الحجم الحقيقي كيبان غير وقت الانتصاب، وهاد المعلومة خاص الجميع يعرفها كيقولو العلماء.

    إقرأ الخبر من مصدره

  • لطفي بوشناق وأسماء لمنور و”ريما” و”أوركسترا باوباب” فموازين 2026

    الرباط و م ع////

    كشفت جمعية “مغرب الثقافات” عن قائمة جديدة من النجوم العرب والعالميين الذين سيحيون ليالي الدورة الحادية والعشرين لمهرجان “موازين – إيقاعات العالم”، المرتقب تنظيمها بالرباط وسلا في الفترة مابين 19 و27 يونيو المقبل.

    وذكر المنظمون أن المسرح الوطني محمد الخامس سيكون على موعد، يوم 25 يونيو المقبل، مع ليلة من ليالي الطرب الأصيل يحييها النجم التونسي والعالمي لطفي بوشناق، مضيفا أن “بافاروتي العرب” سيسافر بالجمهور في رحلة موسيقية تجمع بين عبق “المألوف” الكلاسيكي والتجديد الإبداعي.

    وأضاف المصدر ذاته أن الأيقونة المغربية العربية أسماء لمنور ستجدد لقاءها مع الجمهور يوم 22 يونيو، حيث ستصنع بصوت “لا يشبه إلا نفسه” وحضور “ي حس ولا يوصف”، لحظة استثنائية تمزج فيها عمق الفن المغربي بروح العصر، في ليلة من الإحساس الحقيقي تستعرض أغنيات رافقت الجمهور عبر سنوات من التألق.

    وعلى منصة “السويسي”، سيكون هواة الإيقاعات الإفريقية المعاصرة يوم 24 يونيو على موعد مع النجم النيجيري العالمي “ريما”، حيث سيقدم “أمير الأفرو-بيتس” عرضا حماسيا يجمع بين موسيقى “الأفرو-بيت” والبوب العالمي.

    من جهتها، تستقبل منصة “أبي رقراق” يوم 24 يونيو، المجموعة الأسطورية السنغالية “أوركسترا باوباب”. وبحسب المنظمين، ستقدم هذه الفرقة، التي تعد سفيرة للموسيقى الإفريقية، مزيجا فريدا يجمع بين “السالسا” والإيقاعات “الأفرو-كوبية” والأنغام السنغالية الأصيلة.

    وتنضاف هذه الأسماء إلى كوكبة من النجوم الذين تم الإعلان عنهم سابقا، ومن بينهم مغني الراب “نينيو” (Ninho) الذي سيحيي حفل الافتتاح يوم 19 يونيو، وأيقونة الموسيقى الإفريقية أومو سانغاري، والفنانين حسن شاكوش، وميادة الحناوي، وتامر حسني، وفرقة “ماجور ليزر”، و”نيكي جام”، ومروة ناجي وحاتم عمور وبونغو.

    إقرأ الخبر من مصدره

  • بوليس كازا شدو 3 من لي دارو أحداث شغب بالفلامات والجناوا فمنطقة مولاي رشيد

    أميمة عطية كود كازا //

    تمكنت عناصر الشرطة بمنطقة مولاي رشيد فالدار البيضاء، فالساعات الأولى من صباح الأحد 10 ماي، من توقيف 3 أشخاص أعمارهم بين 19 و24 سنة، للاشتباه في تورطهم فحالة شغب رياضي وتبادل العنف ولمضاربة.

    وحسب المعطيات لي توصلات بها “كود”، البوليس جاه إشعار كيهضر على مواجهة بين مجموعات ديال المشجعين ديال فرق كرة القدم المحلية، اللي استعملو فيها جناوا ولفلامات، وهي الأحداث اللي انتشرات حتى فمواقع التواصل الاجتماعي على شكل فيديو.

    وتدخلات عناصر الأمن بشكل فوري، ونجحات ففرض النظام العام، وتوقيف 3 مشتبه فيهم فمدة قصيرة من بعد هاد الأحداث.

    وتم وضع الموقوفين تحت البحث القضائي بإشراف النيابة العامة المختصة، باش يتم تحديد جميع الظروف والملابسات والخلفيات ديال هاد القضية، فحين مازال البحث متواصل لتوقيف باقي المتورطين فهاد الأفعال

    إقرأ الخبر من مصدره