كود سبور//
ما خلاش الدولي المغربي أمين عدلي وصحابو فباير ليفركوزن الفرصة تدوز، وشاركو الألمانيين الاحتفالات ديالهم بالترخيص لاستهلاك الحشيش.
واستغل النجم المغربي أمين عدلي الهدف الأول اللي ماركاه صاحبو الهولندي فباير ليفركوزن جيريمي فريموبرگ على فورتونا دوسلدورف فدومي فينال كأس ألمانيا البارح الاربعاء، واحتفل بطريقة مثيرة للجدل، حيث دار راسو كيبرم جوان وشعلو وعطاه لفريموبرگ اللي دار راسو خدا من عندو الجوان وكماه.
وكتجي طريقة احتفال أمين عدلي وصاحبو فباير ليفركوزن الألماني بعد يومين فقط على قرار السلطات الألمانية بتقنين استهلال القنب الهندي فالبلاد، ودخول قانون استهلاك الحشيش حيز التنفيذ ابتداء من الاثنين اللي فات.
