وكالات//
رفضو الورثة ديال دييغو أرماندو مارادونا، أسطورة ديال كرة القدم الأرجنتينية والعالمية، البيع ديال الكرة الذهبية ديالو لي من المفترض أنها غادي تباع في مزاد علني في باريس اليامات لي جايا.
على حساب ماقال المحامي ديال العائلة، فالورثة ديالو ضد البيع ديال هاد الكرة الذهبية وكيقولو أنهم بغاو يرجعوها حينت تسرقات من باهم.
ولكن في الجهة الأخرى كيقول المالك ديال الكرة أنه حصل عليها من عام 2006 من جهة معروفة.
وكانت هاد الكرة نوضات روينة كبيرة، حينت غبرات من عام 1991، وكيقولو أن شي مافيا طاليانية سرقاتها من واحد المتحف.
ولكن شي مصادر صحفية خرا كتقول أن الكرة تباعت في شي كازينو، وشي واحد خسرها في القمر .
