كود سبور//
واصل الدولي المغربي أيوب الكعبي التألق مع أولمبياكوس اليوناني، وساهم فالرباح ديالو اليوم الاربعاء على أريس سالونيكا ضمن منافسات بطولة اليونان.
وسالا الماتش بين أولمبياكوس والضيف ديالو أريس سالونيكا بنتيجة 3 لزيرو لمصلحة أولمبياكوس، وقدر أيوب الكعبي يفتتح التسجيل بهدف ماركاه فالدقيقة 6 وزگل بيلانتي فالدقيقة 41، أما الهدف الثاني ماركاه دانييل بوديسني فالدقيقة 60 والهدف الثالث ماركاه وجواو كارفالو فالدقيقة 89.
وكيحتل المهاجم المغربي صدارة هدافين البطولة اليونانية بـ 15 هدف بالتساوي مع الإسباني لورين مورن لاعب أريس سالونيكا، اللي ما قدرش يماركي فماتش اليوم بين الفريقين، وبهذا الرباح أولمبياكوس كيحتلو المركز الثالث فبطولة اليونان برصيد 60 نقطة، على بعد 6 النقاط من الصدارة.
