كود كازا ///
تمنع الزميل أحمد بوسرحان مصور صحفي مهني من دخول المركب الرياضي محمد الخامس فكازا اليوم 6 يناير 2023 من قبل المصور لنادي الرجاء الرياضي لكرة القدم.
هاد الشي دار فماتش الخضرا ضد اتحاد طنجة.
جا منع الصحافي قدام عدد من الصحافيين اللي كيعرفو هاد المصور الصحافي الفائز بالجائزة الكبرى صنف الصورة. طبعا دخلو شي وحدين ما عندهم علاقة لا بالمهنة دالصحافة ولا بميدان التصوير.
وقال بوسرحان فتصريح ليه “أسباب منعي مجهولة و غريبة. انا مصور صحفي مهني حاصل على الصفة الصحافية طبقا لقانون الصحافة والنشر. تعرضت لهاد المنع من شخص ما عندوش الصفة. دابا بغيت نسول الجهات المسؤولة فالنادي: واش عندو الحق يمنعي من دخول الملعب وشكون يكون بعدا”
علاقة رئيس الراجا البدراوي مول الزبل مع الصحافة غريبة. من نهار جا للراجا والمشاكل كتزاد. لا نتائج لا والو