گود سبور//
أكد الإسباني خورخي فيلدا مدرب المنتخب الوطني المغربي لكرة القدم النسوي، جاهزية اللبؤات لخوض منافسات كاس أفريقيا د العيالات، اللي غاتبدا غدا السبت فالرباط، باول ماتش بين المغرب وزامبيا عن المجموعة الاولى.
وهضر الناخب الوطني خورخي فيلدا خلال الندوة الصحافية اللي كاتسبق ماتش المغرب وزامبيا، الافتتاحي لكاس افريقيا، وقال: “متحمس بزاف باش نبداو كاس افريقيا غداء، مدة هادي وحنا كانوجدو وكلشي داز مزيان، لعبنا ماتشات أميكو وهذا الشي خلانا نحسنو مستوانا ونوليو مزيانين وواجدين للبطولة”.
وكمل فيلدا وقال: “حنا عارفين ان عندنا منافسين واعرين فالگروب ديالنا، وغانديرو جهدنا كامل ونعطيو احسن ما عندنا، وفاهمين ان الماتش الاول فالبطولة مهم بزاف، ولكن ماشي فينال وكايبقى ماتش فالبطولة، وباغيين نربحو زامبيا وحنا واجدين لهم”.
