وكالات//
ختافات بطلة إيران في رياضة رفع الأثقال، وسميتها فاطمة كشاورز، بعدما هربات من لوطيل ديال البعثة ديالها لي كاينة في الصبليون.
على حساب ماقالت وكالة مهر الإيرانية، فالبطلة في هاد الرياضة (وزن 71 كيلوجرام)، كانت مع البعثة ديال منتخب بلادها في لوطيل في مدينة ليون لي كاينة في الشمال ديال الصبليون.
وأكدات الوكالة أن فاطمة غبرات بعد اليوم الأول من بطولة العالم، ولي لعبات فيه وجات هي الثامنة، وطفات التيليفون ديالها.
وكاينة دابا هضرة على أن فاطمة حركات، وربما مابغاتش ترجع لإيران لي معروفة بالتضييق على حقوق النساء.
