أميمة عطية كود كازا ///
تختاتم البارح الأربعاء 20 ماي 2026، المهرجان الوطني للمسرح بالمركب ثقافي الحي المحمدي فكازا، فدورتو السادسة، لي عرف تكريم للمرحوم فريد لمكدر، وتسمات أحد إحدى القاعات فالمركب بالاسم ديالو في حضور زوجتو .
هاد المهرجان عرف حضور عدد من الفنانين والمسرحيين والإعلاميين، وتابعو جمهور كبير من ساكنة الحي بالخصوص لي معروف بتاريخو في مجال المسرح والفن والشعر وغيرها.
وفهاد السياق، كان حفل الاختتام فرصة باش يكرمو المسرح المغربي ويثمنو المجهودات ديال الفرق المشاركة، خصوصاً فرقة مسرح تانسيفت اللي عرضات مسرحية “الساكن”، اللي من إعداد وإخراج حسن هموش ومقتبسة من قصيدة “الدار” للشاعر الزجاللالمغربي سيدي قدور العلمي (1742ــ1850).
المسرحية شاركو فيها: ساميا أقريو، عبدالله ديدان، نورا الصقلي وغيرهم من الفنانين، لي جمعو بين الدراما والفكاهة.
وكتوجه احداث هاد لقصة لي حزينة وتعكس ظلم الشاعر ومرارة حياتو، وكتحكي على قصة العلمي لي تعرض للنصب، وخداو ليه دارو، وجات اخت العلمي والمفضل لي غادي ارجعوها.
وهادشي كامل كنشوفوه فلمسرحية بلكلام لموزون وزجل ولغنا والاستعراض وخصوصا، منين عبدالله ديدان كيتغنى بقصايد لملحون في جو كيطبع مشاهد كتحارب لفساد ونصب وفقدان ضمير بكوميديا ساخرة ومزيج بين بلبكا ولفرحة منين كيسترجعو ارضهم من بعد معاناة.
