Étiquette : كازا

كود كازا ///

دنيا باطما اللي عندها السوابق وتحكم عليها قبل بعام حبس نافذ ما دوزاتوش مع الغرامة٬ دارت تعليق فغاية الغباء. فيه تطبيع مع الاغتصاب. محكمة باريس اليوم حكمات على سعد لمجرد ب6 سنين بتهمة اغتصاب لورا ف2016 وكان عمرها 20 عام وهاد دنيا عوض ما تاخد موقف مدافع ضد اي شكل من اشكال العنف ناضت كدافع على سعد لمجرد المغتصب بحكم المحكمة الفرنسية اللي شكرها وقال كيتيق فيها.

باطما كتبات “حنا ديما معاك” و”جمهورك ديما معاك وفانتظارك”. فاش يا دنيا يا باطما معاه؟ فالاغتصاب؟ كيفاش جمهورو ينتاظرو. علاش فبلادنا ممكن يتحكم عليك فالحبس حتى فالاغتصاب وتقدر ترجع تغني. خاص يقاطعو لمجرد حتى بعد ما يدوز المدة ديالو الاذاعات والاعلام والمهرجانات والقنوات العمومية. راه مثال سيئ لكاع الشباب.

حتى هاد باطما خاص مقاطعتها من قبل المهرجانات والاذاعات وووو راه عندنا لوسخ

إقرأ الخبر من مصدره

كود كازا ///

طالب المدعي العام اليوم الخميس 23 فبراير 2023 بالسجن لسعد المجرد ب7 سنين وباش ما عمرو يبقى يدخل لفرانسا. هاد الشي جا فمحاكمتو فقضية يتهم فيها باغتصاب لورا ف26 اكتوبر 2016 فالشامبر 714 بفندق ماريوت بباريس. 

المدعي العام بغى ليه الحبس. اللي غادي يصعب عليه القضية هو ان الخبيرة النفسية اللي جابتها المحكمة قدمات خبرتها. وصفاتو باللي عندو شخصية عزيز عليها تثير الانتباه وباللي كيموت على اغراء الجنس اللطيف. 

وصفاتو كذلك باللي نرجسي وعندو ضعف الثقة فالنفس بسباب تربيتو او عائلتو. هاد الشي عارفينو اللي كيعرفو لمجرد. المشاكل ديالو كلها جات من هاد الجانب

إقرأ الخبر من مصدره

كود كازا ///

قضية اغتصاب سعد لمجرد قبل سنوات لشابة امريكية فامريكا باش هربوه للمغرب باش ما يتحاكمش٬ خرجات ليه فباريس. للمرة الثالثة ف4 ايام تجبدات ليه فقضيتو اللي تهماتو “لورا”٬ 26 عام باغتصابها فالغرفة 714 باوطيل ماريوت بباريس ليلة 26 اكتوبر 2016.

قضية الشاب الامريكية تعود الى 2010. كان لمجرد فامريكا. اتهماتو فتاة من بروكلين فنيويورك بالاعتداء الجنسي عليها والضرب. هرب من ميريكان قبل اعتقالو. ف2016 توصل لتسوية فالشق المدني معها. شحال عطاها باش تنازلات على مواصلة الشق الجنائي؟ ما عمرو بغى يهدر عليها وحتى محامي الاميريكية ما بغاش يجبد شحال خدات.

دابا هادي 4 ايام باش بدات محاكمة لمجرد فباريس تجبدات هاد القضية 3 مرات. فكل مرة لمجرد كيرد “باغي نركز على هاد القضية”. اليوم 22 فبراير 2023 تجبدات ديك القضية. القاضية سولاتو عليها.

النيابة العامة حتى هي جبداتها وسولاتو شحال خلص فهاديك القضية. لمجرد مقريينو محاميه رد: ما باغيش نهدر على هاد الشي.

إقرأ الخبر من مصدره

كود كازا ///

الفيديو كليب فيه 5 دقايق، تصور بطريقة احترافية و تقمص فيه الديزي دروس عدة شخصيات منها شخصية السجين، الصحفي، الرجل السياسي و طبعا كان الغرض من هادشي يدق على رئيس الحكومة وحزبو فمشهد كيمثل ندوة صحفية استغل فيه الديزي الديكور باش يلوح بعض الميساجات القاصحين كقمع حرية التعبير وغيرها .

و كما هي العادة مانساش يلوح ميساج للبيغ نظرا للحساب القديم اللي بيناتهم، لكن البيگ ما سكتش و جاوبو فسطوري فالانستاغرام.

كمل الكليب بشخصية الرابورة “منال بنشليخة” باش يكلاشي الروابا اللي ماكيلقاوش اقبال بحال منال والفن ديالها اللي بالنسبة ليه طالع ب”جوج دياسك و سينات”.

دروس ختم الطراك و هو كايوضح باللي غير مقصر و ما عندو لا اهتمام و لا انتماء و وخا هكاك كايبان فالساحة بدون منازع و كلشي كيفرح.

إقرأ الخبر من مصدره

كود كازا ///

البارح 7 فبراير 2023 كان العرض الاول لفيلم “ضاضوس” للمخرج عبد الواحد مجاهد ف”ايماكس” بموروكو مول فكازا. ما نهدروش لا على الفيلم. هادي قضية اخرى.

فهاد التقديم هدرو على كلشي. ماشي غير على اللي لعبو البطولة واللا. على اللي بان غير شي تواني قليلة وحتى هادوك اللي قدمو الدعم او المساعدة لاول عمل سينمائي لهاد المخرج عرضو عليهم يطلعو =او يهبطو= للتقديم باش ياخدو صورة جماعية ويصفق عليهم الجمهور. لكن باش بدا الفيلم كانت الصدمة. ممثل معروف وقافز ومسرحي ومخرج سينمائي لعب فهاد الفيلم وما داروه لا فلافيش ولا جبدو المخرج او ديال دوزيم صامد غيلان٬ كنهدرو على ادريس الروخ.

فهاد الفيلم لعب دور محقق، تآنسبيرا من “كولومبو” الشهير.

هاد التجاهل لفنان كبير دار اللي عليه فهاد الفيلم٬ كيمس المخرج ماشي الروخ. يقدر يكون بيناتهم شي صداع كبير ولكن ما يمكنش تتجاهلو بهاد الطريقة

إقرأ الخبر من مصدره