Étiquette : 8

الخط : A- A+

هنأت الجامعة الملكية المغربية لكرة القدم، عبر حساباتها الرسمية على مواقع التواصل الاجتماعي الدولي المغربي ياسين بونو، وذلك بعد تتويجه رفقة نادي الهلال السعودي بكأس خادم الحرمين الشريفين، أمس الجمعة 8 ماي على أرضية ملعب الإنماء بمدينة الملك عبد الله الرياضية بجدة.

وتوج نادي الهلال السعودي بلقب كأس خادم الحرمين الشريفين، بعد تغلبه على فريق الخلود بهدفين مقابل هدف واحد.

 وبهذه الفوز تمكن الهلال، الذي يتألق في صفوفه الحارس الدولي المغربي ياسين بونو، من الفوز بلقب كأس خادم الحرمين الشريفين للمرة العاشرة في تاريخه.

إقرأ الخبر من مصدره

گود سبور//

اختارو المسؤولين على صفحات الرجاء والوداد الرياضيين فمواقع التواصل الاجتماعي، يشعلو فتيلة الشغب بالكلاشات بين جماهير الفريقين، فديربي ملعوب بلا جمهور ولكن هذا الشي اللي دارو يقدر يتسبب فشي احداث شغب وعنف  فالزنقة بين المحبين ديال الفريقين وخصوصا المتعصبين.

القصة بدات البارح الجمعة بالليل، ملي صفحة الرجاء الرياضي حطو واحد الكلاش للوداديين، وهو منشور فيه نسر (شعار الرجا زعما) فالسما ديال كازا وجاي نازال فشارع محمد الخامس بالدار البيضاء باش يصيد بطة (شعار ديال الوداد زعما) ووسط هذا الشي وفالظل ديال الصورة كاين واحد الشخص جاي وهاز حلوة (زعما العملية ديال الافتراس غادي تكون فعيد ميلاد الوداد اللي هو البارح 8 ماي والماتش اليوم السبت 9 ماي).

ومن بعد منها غادي ترد صفحة الوداد الرياضي بواحد كونطر كلاش، وغادي تنشر صورة فيها حكيم زياش گالس وسط المدينة القديمة وشاد جورنال، وهاد الجورنال فيه صورة فليمن ديالها كاين شعار الوداد وتحتو جمهور مكتوب عليه ولاد المدينة، والجهة اليسرى فيها شعار الرجا وتحتو جمهور مكتوب عليه ولاد العروبية.

القضية ما حبساتش هنا، ولكن من وراها مباشرة الرجا غادي يحطو منشور جديد فيه كونطر كلاش للوداديين، فيه تصويرة ديال أطفال گالسين فالعروبية ولابسين توني د الخضرا وكل توني فيه سمية ديال لاعب رجاوي خلى البصمة ديالو فالديربي بشي اهداف متورخين على الوداد، وهاد الأطفال كايتفرجو فالتلفزة اللي فيها اوساگونا اللاعب السابق د الرجا اللي كان بطل ديربي 3 لزيرو على الوداد فيوم 8 ماي 2016 فطنجة اللي هو يوم عيد ميلاد الحمرا، زعما راه الرجاويين كايفتاخرو بانتمائهم للخضرا من اي بلاصة كانو فعروبية ولا مدينة، والرجاويين ما وقفوش هنا ولكن حتى هما غادي يديرو صورة لجورنال وسط هذا المنشور مكتوب فيه عنوان ترحيل بالأحمر “سكان المدينة القديمة” إلى دواوير نواحي الدار البيضاء.

هذا الشي اللي صدر من الصفحات ديال الفريقين قبل ماتش الديربي ما خاصوش يتسكت عليه، حيث فيه عنصرية وتمييز بين فئات المجتمع، واش هاد الوداديين البراهش المسؤولين على صفحة الوداد ما فخبارهش ان الوداد فريق كايبغيوه جماهير من مختلف أنحاء المغرب عروبية وامازيغ ومن الريف والصحرا والشرق والغرب؟ وهاد الرجاويين البراهش المسؤولين على صفحة الرجا ما فخبارهمش ان سكان المدينة اللي تم نقلهم لبرطمات غادي تحفظ كرامتهم واحسن من الديور اللي كانو عايشين فيها، راه فيهم الرجاويين كيفما فيهم الوداديين؟

طبعا هاد البراهش اللي شادين هاد ليباج ديال الرجا والوداد ما عارفينش هاد الكارثة اللي نشرو، وما عارفينش التداعيات ديال هذا الشي اللي ارتاكبوه من ورا الكلاڤي، وانهم كايهيجو الجمهور وكايطلعو منسوب الكراهية والعنصرية وسط الجماهير والمغاربة وماشي غير الرجاويين والوداديين، والمصيبة ان هذا الشي كايجي فعز أزمة الشغب، واللي بسبابو الديربي تقرر يتلعب ويكلو،

وطبعا فاقد الشيء لا يعطيه وهادو اللي شادين صفحات الرجا والوداد بينو المستوى التعليمي والثقافي ديالهم وانهم دون المستوى اصلا باش يخدمو فهاد الاندية اللي هما مراية الكورة المغربية، وبينو انهم جاهلين وبعاد كل البعد على الأخلاق والروح الرياضية وبلاما نهضرو على واش عندهم الكفاءة التقنية والمهنية باش يشدو هاد ليبوسا، بل حتى الجانب الإنساني ما راعاوش له فالمنشورات ديالهم، اللي مع الاسف كلها تجريح وسم وكراهية وتمييز عرقي وطبقي، وعامرة بالكره والحقد اللي كل واحد شادو فقلبو على لاخور، ودايرين السبا بالكورة، والرجا والوداد وجماهيرهم كبار على هذا الشي وعلى تبرهيش المراهقين اللي شادين هاد الصفحات، ولكن مع الأسف بزاف ديال الناس متبعين هذا الشي ومشاو معهم فالخط وكايسبو فالفريق الاخر وفرحانين بهاد الكلاشات الخاويين، وماشي غير المواهقين ولكن حتى بنادم بعقلو.

إقرأ الخبر من مصدره