فليكسبريس

Étiquette : in

  • حادث غريب كون متصورش ماغاديش نتيقوه.. راجل وحل ليه راسو وسط بوطو ديال فوروج 40 دقيقة (فيديو)

    وكالات//

    وقع واحد الحادث غريب فمدينة تشنغدو فالصين، ولى حديث الناس فمواقع التواصل، حيث واحد الراجل كان سايق دراجة كهربائية وخبط فإشارة مرور مؤقتة، وتصدمت الناس ملي لقواه عالق براسو فيها!

    هاد الشي وقع الشهر اللي فات، والقصة ديالو انتشرت بسرعة حيت كانت مضحكة وغريبة بزاف.

    A Chinese man got his head stuck in a temporary traffic light after crashing his electric scooter. It took 40 minutes for the emergency services to free him.pic.twitter.com/l5uc49UJi7

    — Massimo (@Rainmaker1973) September 22, 2025

    وعلى حساب جريدة “أوديتي سنترال”، الشاب ضرب الإشارة وهو سايق، وبطريقة ما مفهوماش، راسو دخل وسط الغلاف الحديدي ديال الإشارة وتعلق فيه. جابو رجال الوقاية المدنية، ولكن باش يخرجوه ما كانتش سهلة، حيث خدمو حوالي 40 دقيقة باش يقطعو الهيكل ديال الإشارة بشوية بشوية ويحررو راسو بلا ما يتأذى.

    من بعد ما خرجوه، خداوه للمستشفى، وخدا العلاج وتعافى وما وقع ليه والو خطير. ولكن الحاجة اللي ما كانتش ساهلة هي السخرية والضحك اللي دارو الناس عليه فالأنترنت.



    إقرأ الخبر من مصدره

  • الملك تشارلز تلاقا مع اكبر مراة ف العمر ف العالم.. كانت كتمنى يزورها باش تكمل فرحتها بعيد ميلادها الـ116 (فيديو)

    وكالات//

    تلاقى الملك تشارلز الثالث مع السيدة إثيل كاترهام، اللي هي أكبر معمّرة فالعالم، وكتحتافل دابا بعيد ميلادها الـ116، فزيارة دارها فدار الرعاية اللي كاينة فمقاطعة سري فبريطانيا.

    إثيل كاترهام تزادت فغشت 1909، وولات الأكبر فالعالم من بعد ما توفات الراهبة البرازيلية إينا كانابارو لوكاس فشهر أبريل اللي فات.

    King Charles had a touching moment with the world’s oldest living person, 116-year-old Ethel Caterham, who told him that “all the girls were in love” with him when he was invested as Prince of Wales in 1969 #kingcharles #royalfamily
    : @RoyalFamily pic.twitter.com/aDXMCeBHdB

    — HELLO! Canada (@HelloCanada) September 21, 2025

    كانت دارت عيد ميلاد بسيط مع العائلة، وقالت إنها كانت كتسنى شي زيارة ملكية باش تحتافل كثر.

    فاش تلاقاو، قالت للملك أنها ما زال كتفكر فالنهار اللي توّجوه فيه أمير لويلز فـ1969 فقلعة كارنارفون، وقالت ليه: كنفكر ملي توّجتك مامّاك، كانت كلشي البنات معجبين بيك وبغاو يتزوجوك.”

    جاوبها الملك وهو كيضحك: “بقى غير هاد الشي مني دابا”!.

    إثيل، اللي دازت قرن والصرف، كانت كتوصّل كل عام ببطاقة تهنئة من عند الملك ومن عند والدتو المرحومة الملكة إليزابيث الثانية، وبانت حتى فصفحة العائلة المالكة الرسمية فـ2023 منين تسلّمت بطاقة عيد ميلادها الـ114.



    إقرأ الخبر من مصدره

  • عاشو لحظات ديال الرعب.. حوت كبير بزاف قلب يخت فيه 5 دالناس وغرقوه (فيديو)

    وكالات//

    عرفات مياه السواحل البرتغالية، حدا شاطئ “فونتي دا تيلا”، لحظة مرعبة بعدما تعرض يخت سياحي لهجوم من طرف مجموعة ديال الحيتان القاتلة (الأوركا)، الشي اللي خلا اليخت يغرق كاملًا.

    حسب جريدة “ذا صن”، كانو فوق اليخت خمسة ديال الناس، اللي الحمد لله تْنقذو كاملين وبقوا بخير.

    فالفيديوهات اللي توثقو، باينين الحيتان وهما كيدربو اليخت بزّاف ديال المرات، حتى ولا مائل بزاف، ومن بعد بدا كيغرق شوية بشوية حتى وصل لقاع البحر.

    LISBON, PORTUGAL: ORCAS SANK A SAILBOAT!

    Another sailboat was attacked and sank by orcas, on the portuguese coast, nearby Lisbon (Costa da Caparica).
    This has been happening for a while now, as this is the third sank boat in one year. The first one was at Gibraltar, the second… pic.twitter.com/S7nOPM3gSX

    — Alex B. (@maisumcarneiro) September 13, 2025

    وفنفس الوقت، حتى قارب ديال الإنقاذ كان قريب من البلاصة وتعرض حتى هو للهجوم من نفس الحيتان، وضطرّ الطاقم يعيط على النجدة، ولكن تدخلو شي قوارب سياحية قبل ما توصل فرق الإنقاذ، وقدرو ينقذو الناس اللي كانو فالقارب واليخت.

    السلطات البحرية قالت إن مركز تنسيق البحث والإنقاذ فْلشبونة توصل بأول نداء استغاثة وبعثو رجال الإنقاذ بسرعة.

    وأكدات جريدة “ذا صن” أن الناس التسعة اللي كانو فاليختين خرجو كاملين بصحة مزيانة وماحتاجوش لأي مساعدة طبية.



    إقرأ الخبر من مصدره

  • أورنج المغرب تتوج أربعة مشاريع ناشئة بجائزة المقاول الاجتماعي

    أعلنت أورنج المغرب عن تتويج أربعة مشاريع ناشئة مغربية في النسخة الـ15 من جائزة أورنج للمقاول الاجتماعي في إفريقيا والشرق الأوسط (POESAM) برسم سنة 2025، وذلك خلال حفل أقيم بالمغرب. وتوجت كل من “ديب ليف”، “سمارت غلوب” و”ساند تو غرين” بالمراتب الثلاث الأولى على المستوى الوطني، فيما نالت “مامابوكس” جائزة “قلب أورنج” التي تكرم المشاريع المبتكرة ذات البعد الإنساني والاجتماعي. وشهدت النسخة المغربية التاسعة من المسابقة إقبالاً واسعاً، حيث استقطبت 381 ترشيحاً، نصفها تقريباً من نساء مقاولات، ما يعكس حيوية وتنوع النسيج المقاولاتي الوطني. وبعد مرحلة انتقاء أولي شملت 11 مشروعاً، عرض المرشحون أفكارهم أمام لجنة تحكيم ضمت شخصيات بارزة من مجالات التكنولوجيا والمالية والابتكار. وتميزت دورة هذه السنة بإطلاق صيغة جديدة تحت شعار “POESAM in The Ring”، مستوحاة من عالم الملاكمة، حيث تم اختبار قدرة المرشحين على الإقناع وإبراز قوة أفكارهم في إطار تنافسي مباشر. وأسفرت مداولات لجنة التحكيم عن منح: الجائزة الأولى لـ”ديب ليف”، التي تقدم حلاً يعتمد على الذكاء الاصطناعي للكشف الفوري عن أكثر من 700 علة تصيب المزروعات واقتراح العلاج المناسب. الجائزة الثانية لـ”سمارت غلوب”، التي توفر حلاً رقمياً لترشيد استهلاك الطاقة في المباني وتقليص الأثر الكربوني. الجائزة الثالثة لـ”ساند تو غرين”، التي تعمل على تطوير أنظمة زراعية مستدامة في المناطق المتدهورة اعتماداً على منصة تكنولوجية مبتكرة وجائزة “قلب أورنج” لـ”مامابوكس”، وهي تطبيق متعدد اللغات يقدم دعماً ومعلومات طبية مجانية للآباء والأمهات من فترة الحمل حتى السنوات الأولى للطفل. وسيشارك الفائزون الأربعة في المرحلة النهائية للمسابقة على المستوى الدولي، إلى جانب ممثلين عن 17 دولة إفريقية وشرق أوسطية يوجد بها نشاط لمجموعة أورنج. كما ستستفيد مجموعة من المشاريع المرشحة من برنامج تسريع داخل منصة Orange Fab التابعة لـ Orange Digital Center. ومنذ إطلاق المسابقة في المغرب سنة 2017، استفاد نحو 400 مقاول شاب من مواكبة أورنج، مما يعزز دورها كفاعل ملتزم بدعم الابتكار الاجتماعي والرقمي.

    إقرأ الخبر من مصدره

  • فيلم وثائقي بان فيه إيلون ماسك مع كانييه ويست دار البوز.. هادي هي القصة (فيديو)

    وكالات//

    دار مغني الراب كانييه ويست والملياردير ديال التكنولوجيا إيلون ماسك ضجة كبيرة من بعد ما بانُو فواحد المقطع من الفيلم الوثائقي الجديد ديال كانييه بعنوان “باسم من؟”، اللي غادي يتعرض هاد السيمانة، واللي كيهضر على السنين الأخيرة من حياة كانييه والبلبلة اللي كانت دايرة عليه.

    فداك المقطع، اللي تنشر فـ”إكس” (تويتر سابقاً)، بان تفاعل غريب بين كانييه وإيلون، بحيث استقبلو كانييه فشي بلاصة بحال لا كانت حفل استماع لألبومو “دوندا 2” فـ2022 فميامي. إيلون تقبل الدعوة بفرحة، ومن بعد مشاو بجوج لواحد الغرفة اللي سماها كانييه “غرفة نوم افتراضية”، وكانت كلها بيضا وفيها سرير كبير تمددو عليه بجوج.

    FIRST LOOK AT A SCENE FROM “IN WHOSE NAME” pic.twitter.com/D3wFsi3YF4

    — GoodAssSub (@GoodAssSubX) September 12, 2025

    فوسط الهضرة، حاول إيلون يفتح موضوع العلاقات، وسول كانييه على العلاقة ديالو مع طليقتو كيم كارداشيان:

    “واش انت وكيم مزال غاترجعو لبعضياتكم ولا سالات؟”، وقالها وهو كيتضحك بحشمة، ولكن كانييه غير تأوّه وما عطاش جواب واضح.

    باش تكون الهضرة من الطرفين، هضر حتى إيلون على العلاقة ديالو اللي ولات شبه منتهية مع غرايمز، أم ولادو، وشارك الصعوبات اللي داز منها، سواء من الناحية العاطفية ولا القانونية، وقال:

    “عارف، فنفس المساج كتبت ليا: كنحبك، ومن بعد بيوم قالت ليا: كنكرهك”، فإشارة للمشاكل القانونية اللي كانت عندو على الحضانة فـ2023.

    كانييه زاد وقال: ما عنديش أجوبة… الأجوبة على كلشي، إلا على هادشي”، فإشارة للوضع العاطفي المعقد ديالو.



    إقرأ الخبر من مصدره

  • دار فعلتو على طريقة البابجي.. مراهق دار الرعب فشارع فتركيا (فيديو)

    وكالات//

    البوليس التركي كيقلب على درّي مراهق سرق سلاح وقرطاس من مركز ديال الرماية، وحاول ياخد طوموبيل بالقوة، بطريقة كتفكر فـ لعبة “بابجي” اللي مشهورة فالتليفونات.

    حسب وسائل الإعلام التركية، نهار الخميس، الولد أجنبي وعندو 16 عام، ومازال هارب من البارح، والسلاح باقي معاه.

    البداية كانت فـ مدينة “كهرمان مرعش” فجنوب تركيا، فين سرق جوج ديال الفرادا (مسدسات) وشي 300 طلقة من مركز ديال الرماية، وهرب من تم بلا ما يشدوه، ومشى فحالُو بحال اللي داير مهمة جديدة.

    16 yaşındaki çocuk poligondan tabanca ve mermi çaldı

    Maraş’da poligondan iki adet tabanca ve 300 adet mermi çalan 16 yaşındaki çocuğun yakalanması için geniş çaplı çalışma başlatıldı.https://t.co/xQHPOum2LE pic.twitter.com/V9SsFzapTW

    — Nupel Haber (@nupelonline) September 11, 2025

    من بعد، مشى لمعرض ديال الطوموبيلات فـ نفس المدينة، وبغا يسرق شي طوموبيل، ولكن ما قدرش، وخلا بلاصتو فيها خراب. من بعد، حسب الكاميرات اللي شافوها البوليس، بان باللي مشى لوحد الجبل، وباقي البوليس تابعينو.

    كاينين فيديوهات وتصاور من المدينة، اللي كيبانو فيها البوليس كيدورو فالزنقة وكيقلبو عليه، باش يمنعوه يدير شي جريمة خايبة.

    وهاد الشي وقع غير يومين من مور ما درّي آخر، فعمره حتى هو 16 عام، هجم على مركز ديال البوليس فالجهة الغربية ديال تركيا، وقتل جوج ديال البوليس وجرح الثالث، حتى شدّوه البوليس من بعد ما طلقو عليه العيارات النارية وجرحوه.



    إقرأ الخبر من مصدره

  • فيديو غريب عجيب.. كلب ومولاه عضو بوليسي فتركيا – فيديو

    وكالات//

    تفاجئو جوج د البوليس فتركيا بهجوم غريب، ملي تعرضو للعض من طرف كلب شرس وحتى من مولاه، وهادشي خلا الإسعاف تجي تعالجهم من العضّات اللي ما كانوش فالبال.

    كانت دورية البوليس مشات لوحد الدار فمدينة بورصة اللي فشمال غرب تركيا، بعدما مرا دارت شكاية فراجليها من بعد ما توقع بيناتهم خناقة.

    و حسب الإعلام التركي، الراجل فاجأ البوليس اللي جاو لدارو، وطلق عليهم كلبو الشرس من نوع “بيتبول”، واللي فعلاً عض واحد من البوليس.

    Bursa’da aile içi kavga ihbarına giden polislerden birini pitbull cinsi köpek, diğerini ise sahibi ısırdı.

    Polisi ısıran köpek etkisiz hale getirilirken, köpeğin sahibi ise başka polisi bacağından ısırdı. pic.twitter.com/BjL6a5ORnJ

    — Haberler.com (@Haberler) September 8, 2025

    وواحد من البوليس اضطر يطلق النار على الكلب ويقتلو باش ينقذ زميلو من الهجوم المفاجئ، ولكن حتى هو تفاجأ من بعد بعضة جاية من مول الكلب، ملي كانو كيحاولو يوقفوه.

    جات الإسعاف بلاصت الحادث، وداو البوليس بجوج يتعالجو من العضات، عاد تداو للمستشفى باش يكملو العلاج.

    وفالأخير، البوليس شدّو الراجل ودوّوه للتحقيق، واللي ولى من خناقة عائلية لهجوم على رجال الأمن.

    وكاين فيديو كيورّي اللحظات اللي من بعد الواقعة، فيهم البوليس المجروحين، الكلب ميت، ومول الكلب مشدود فطوموبيل ديال البوليس.



    إقرأ الخبر من مصدره

  • خبير يحذر من استغلال “الداتا المسربة” في الحملات الانتخابية ويدعو لآليات مراقبة صارمة

    جمال أمدوري

    تفاعلا مع مقترح الحزب الاشتراكي الموحد الوارد في مذكرته الانتخابية لسنة 2026، والقاضي بتسقيف تمويل الإشهار الرقمي عند 500 ألف درهم كحد أقصى لكل حزب و50 ألف درهم لكل وكيل لائحة، اعتبر الخبير والباحث في الأمن والتطوير المعلوماتي، حسن خرجوج أن هذه الخطوة مهمة لضمان قدر من العدالة الرقمية بين الأحزاب ومنع الهيمنة غير المتكافئة للجهات ذات الإمكانيات المالية الكبيرة.

    غير أن خرجوج شدد، في تصريح لجريدة “العمق”، على أن التحدي الأكبر لا يكمن في التمويل فقط، بل في خطر استغلال البيانات الشخصية المسربة (Fullz) في ما يعرف بالاستهداف الدقيق (micro-targeting) للناخبين، وهو ما يشكل خرقا مباشرا للقانون المتعلق بحماية المعطيات الشخصية (09-08).

    وكشف المتحدث ذاته أن هذه البيانات يتم “الاشتغال عليها في noire” بشكل سري، معتبرا الأمر “خطيرا للغاية”، خاصة مع وجود ما يزيد عن مليوني مغربي معروضت معطياتهم الشخصية في السوق السوداء بالويب، مما يفتح الباب أمام استغلالها في الحملات الانتخابية عبر رسائل قصيرة (SMS) أو بريد إلكتروني (Email).

    ودعا الباحث في الأمن والتطوير المعلوماتي إلى فرض آلية صارمة للمراقبة وأخرى للتبليغ، لتتبع الجهات التي تتواصل مع المواطنين أو ترسل لهم رسائل دعائية انتخابية، إضافة إلى اعتماد آليات تقنية متقدمة للتتبع (Forensic Tracking) للتأكد من أن البيانات المستعملة مصدرها منصات رسمية قائمة على موافقة صريحة (Opt-in)، وليس قواعد بيانات مسربة تخص مؤسسات أو شركات.

    في سياق متصل، اعتبر خرجوج في تصريح سابق لـ”العمق”، أن الذكاء الاصطناعي أصبح أداة لا غنى عنها للأحزاب السياسية، إذ يتيح تحليل كميات ضخمة من البيانات، مثل التعليقات والمنشورات على وسائل التواصل الاجتماعي، مما يساعد على فهم اهتمامات المواطنين ورصد القضايا الأكثر تداولا وتطوير رسائل انتخابية قريبة من تطلعات الجمهور.

    لكن في المقابل، حذر خرجوج من السلبيات المحتملة للذكاء الاصطناعي، خاصة في مجال الحملات السياسية، من بينها الاستهداف المفرط للناخبين برسائل شخصية تمس حياتهم الخاصة، إضافة إلى إمكانية توظيف هذه التقنية في التأثير العاطفي عبر رسائل قوية لكنها مضللة، مما يجعل من الصعب التمييز بين الحقيقة والتزييف.

    ودعا المتحدث، في هذا الصدد إلى ضرورة إيجاد توازن بين الاستفادة من إمكانات الذكاء الاصطناعي وتأطيره بقوانين أخلاقية صارمة، تضمن احترام الخصوصيات وعدم التلاعب بالخيارات السياسية للمواطنين.

    إقرأ الخبر من مصدره

  • حسي مسي.. سيلينا غوميز وخطيبها كيوجدو للعرس ديالهم

    وكالات//

    كشفت مصادر فنية أن النجمة سيلينا غوميز وخطيبها بيني بلانكو كيسطّرو باش يديرو عرسهم الفآخر شهر شتنبر الحالي، فمنطقة مونتيسيتو فـ سانتا باربرا، جنوب كاليفورنيا، والعرس غادي يكون فسرّية كبيرة، حسب موقع TMZ.

    حتى لدابا، ما تعطاتش حتى معلومة على المكان ديال العرس حتى للناس اللي معروضين، حيث قرر الزوجين يدّيو الضياف ديالهم مباشرة من نقطة تجمع فمونتيسيتو للمكان السري ديال العرس، باش يضمنو الخصوصية التامة. والمصادر كتقول باللي العرس غادي يدوم يومين، وطلبو من الضياف يجيبو معاهم الشنط باش يبقاو فالعطلة ديال نهاية الأسبوع كاملة، حسب صحيفة ديلي ميل.

    ورغم أن العرس غادي يكون عائلي ومحدود على الناس القريبين، غادي يحضرو فيه بزاف ديال المشاهير فمجال الفن والموسيقى، بحال تايلور سويفت وخطيبها ترافيس كيلسي، وحتى الممثلين اللي خدمو مع سيلينا فمسلسل Only Murders in the Building، وزيد عليهم الفنانين اللي خدم معاهم بيني بلانكو قبل، بحال إد شيران اللي أكد حضورو.

    المصادر قالت إن سيلينا وبيني غضبو بزاف من أي تسريبات خرجات على الحفل، ولكن ما بقاش عندهم الوقت يبدلو كلشي، فزادو فالتدابير الأمنية باش يحميو الحفل من أي خروقات. وكيفكرو واش يسمحّو للضياف يستعملو التيليفونات ولا لا، باش يخليو الناس مركزين على اللحظة وعايشينها بلا تشتّت.

    هذ الإجراءات كلها كتعكس كيفاش سيلينا ديما كتحاول تبقى بعيدة على الأضواء فالمناسبات الخاصة، وخصوصا فحدث فيه بزاف ديال الوجوه المعروفة، اللي كيطلب حماية وسرّية كبيرة.

    وهكا، كيتوقعو الناس أن العرس ديال سيلينا وبيني يكون مزيج بين البساطة ديال العائلة والفخامة الآمنة، فواحد من أكثر أعراس المشاهير تشويقا فهاذ العام.

    إقرأ الخبر من مصدره

  • فيديو منوض روينة ف العالم.. لاجئة أوكرانية ف مريكان تقتلات بطريقة خايبة وسط التران (فيديو)

    وكالات//

    تعرضات اللاجئة الأوكرانية “إيرينا زاروتسكا”، اللي عندها 23 عام، للطعن ف التران بطريقة وحشية حتى توفات، فمدينة شارلوت، اللي كاينة فولاية كارولاينا الشمالية فميريكان. وهادشي وقع في الوقت لي هربات فيه من الحرب فبلادها، وكانت كتقلب على الأمان، حسب ما قالت بعض وسائل الإعلام الأمريكية.

    الهجوم وقع نهار 22 غشت، وهي راجعة لدارها، والسبب مازال ما معروفش. البوليس قالو أنها تْطعَنات بعدّة طعنات بالسكين، وحدا منهم كانت فحلقها. ورغم المحاولات ديال المسعفين باش ينقذوها، توفات فبلاصة الحادث.

    Tragedy on North Carolina Train: Young Ukrainian Woman Becomes Victim of Brutal Attack
    ⁰A young woman from Ukraine, Iryna Zarutska (23), who fled in search of safety from the war, tragically lost her life after being stabbed on a light rail train in Charlotte, North Carolina. pic.twitter.com/n4nfzKt5pD

    — Pandangan Populer (@Mytherune_) September 7, 2025

    السلطات وجهات تهمة القتل من الدرجة الأولى لواحد الراجل سميتو “ديكارلوس براون جونيور”، اللي عندو 34 عام، وقالو أنه هجَم عليها فجأة بلا سبب، ومن بعد هبط من القطار فالمحطة اللي جاية، فين تشدّ من طرف البوليس.

    البوليس ديال شارلوت-ميكلينبورغ خرجو فيديوهات ديال كاميرات المراقبة، اللي باين فيها براون جالس ورا زاروتسكا قبل ما يهجم عليها. باين فالفيديو كيْلوّح بالسكين وكيتمشى فالعربة بعد الطعن. من بعد، الركاب اللي كانوا معاه فالقاطرة تصدمو من منظر الدم، وتدخلو غير منين مشى المشتبه فيه.

    براون تصاب فإيدو فداك الهجوم، وتداوى فمركز صحي اسميتو “أتريوم”، ومن بعد شدّوه. دابا كيتسنى تقييم طبي من طرف المحكمة باش يشوفو واش مؤهّل قانونيًا يتحاكم، والإجراءات القانونية مازالت مستمرة.



    إقرأ الخبر من مصدره