Étiquette : twitter

كود –  وكالات //

اليوم السبت خرجات الهيئة العامة للطيران المدني فالكويت وعلّنات بلي طيّارة  (درون) استهدفات مطار الكويت الدولي، وهاد الشي خلّى شي عدد من العاملين يتصابو بجروح خفيفة، وزيد عليهم أضرار مادية محدودة فمبنى الركاب (T1)، وهاد الشي كامل جا مع التوترات الإقليمية اللي كتعرفها المنطقة دابا،
المتحدث باسم الهيئة، عبد الله الراجحي، قال فتصريح لوكالة الأنباء الكويتية (كونا) بلي الجهات المختصة تحركات مباشرة وطبّقات إجراءات الطوارئ ، وتمّ التعامل مع الحادث وتأمين المكان ديك ساعات.

المسيرات الإيرانية تضرب مطار #الكويت الدولي قبل قليل…
ما دخل مطار الكويت ان كان المستهدف قواعد تشغلها القوات الأمريكية في #الخليج كما يقول المسؤولون الإيرانيون؟ pic.twitter.com/YkeMpLaaFj

— Elsy Abi Assi (@elsyabiassi) February 28, 2026

فالإمارات سكان محلّيين قالو بلي شافو الدخان طالع من جزيرة نخلة جميرا الصناعية المعروفة فـ دبي،جوج ديال الشهود قالو لوكالة فرانس برس بلي سمعة  طرديك وشافو  الدخان طالع من الجزيرة ، هاد الشي جا من بعد الردّ ديال إيران فـ الخليج على الضربات الأمريكية والإسرائيلية ،ومن البنايات لي ضربو فندق فيرمونت العالمي فدبي و لي عندو فرع  فالمغرب بالضبط فمراكش طريق تمصلحوت .

وحسب وسائل إعلام محلية بحال جريدة “غلف نيوز” الناطقة بالإنجليزية، سلطات دبي أكدو بلي بناية تعرضات لهجوم، وفرق الإنقاذ مشات مباشرة لعين المكان، ودابا المنطقة آمنة،كيف ما
زادت المؤسسة قالت بلي كاينة أربعة ديال الناس تصابو فالهجوم وتدّاو للسبيطار.

https://www.facebook.com/share/r/18MpejMGJK/

وفنفس السياق الحكومة الإيرانية رسلات مساج  لسكّان طهران البوك السبت وطلبت منهم يخرجو من العاصمة “ويبقاو مكالمين”، من بعد الهجوم الأمريكي-الإسرائيلي على البلاد.

إقرأ الخبر من مصدره

وكالات//

شدّات الأجهزة الأمنية فـ الجيزة سائق بعدما دهس شي ناس من المارّة وخرّب بزاف ديال الطوموبيلات فـ منطقة كرداسة، فـ واحد الحادث اللي دار ضجّة كبيرة من بعد ما تروّجات أخبار باللي كان داير علم ديال إسرائيل فـ زجاج الطوموبيل ديالو.

نستنكر بشدة ونرفض تمامًا ما ورد في مقطع الفيديو المتداول من منطقة #كرداسة، والذي يُظهر شخصًا يقود سيارة تحمل علم إسرائيل في مشهد مستفز لمشاعر المواطنين.

إن مثل هذه التصرفات تمثل استفزازًا واضحًا للرأي العام، وتستوجب تدخلًا عاجلًا من وزارة الداخلية المصرية لكشف ملابسات الواقعة،… pic.twitter.com/OEPJjn4Ney

— Hosny Nagy (@hosnynagy0) February 27, 2026

وحسب بلاغ أمني، وقعات مشادّة كلامية بين السائق وشي ناس فـ واحد الشارع المعروف، من بعد ما لاحظو باللي كاين العلم ملصّق فـ الطوموبيل ديالو، وهاد الشي خلا العصب يتصاعد فـ المكان.
المتهم، اللي هو مهندس فلاحي حسب التحقيقات اللّولانية، قال باللي حسّ براسو مهدّد يتعرّض لاعتداء، وحاول يهرب بسرعة من البلاصة، ولكن فقد التحكّم فـ الطوموبيل وهو سايق فـ شارع عامر بالناس، وهاد الشي خلّى يضرب شي مارّة وطوموبيلات واقفة وأخرى دايرة فـ الطريق.

إقرأ الخبر من مصدره