Étiquette : twitter

وكالات//

تسببات شابة تركية فتعطيل حركة السير، من بعدما وقفات الطوموبيل ديالها فوسط طريق عام فمدينة إسطنبول، وبداّت كترقص لمدة طويلة، الشي اللي خلا الناس يتجمعو، وتدخل البوليس وحتى جا الديباناج باش يجرّو الطوموبيل ويحلّو المشكل.

İstanbul Bebek’te bir sürücü, aracını yol ortasında durdurup araç içinde dans etmeye başladı.

Polis ekipleri, trafiği neden olan kadını araçtan indirmeye çalıştı.pic.twitter.com/8b5NlowZLs

— ENSONHABER (@ensonhaber) February 10, 2026

وبينات بزاف ديال الفيديوهات اللي تصوّرات من طرف المارة والشوافرية اللي توقفو تماك، الشابة وسمّيتها “غيزام”، وهي داخل الطوموبيل كتكمّل الرقص ديالها بلا ما تهتم لنداءات الناس باش تتحرك وتخلي الطريق محلول.

حتى البوليس حضرو للمكان، ولكن بلا فايدة، حيث الشابة (29 عام) ما حلّاتش باب الطوموبيل باش تسمع ليهم، وبقات كترقص على أنغام الموسيقى اللي مشعلاها داخل الطوموبيل ديالها.

من بعد شدوها البوليس، وتبين أنها كتعاني من اضطراب “ثنائي القطب”، للي هو حالة صحية عقلية، وهزوها لسبيطار الأمراض النفسية والعصبية بناءً على قرار من النيابة.

إقرأ الخبر من مصدره

وكالات//

طاحت طيّارة ديال الركّاب تابعة لشركة الطيران الصومالية المحلية “ستار سكاي” فمياه البحر، غير بلحظات من بعد ما قلعات، وكان فيها قرابة 55 راكب.

وحسب تقارير، الطيّارة قلعات من مطار آدم عدي الدولي فالصومال، ومن بعد طاحت فمياه قليلة العمق على ساحل المحيط الهندي، فواحد المنطقة قريبة لمحيط المطار، مباشرة من بعد ما غادرت المدرج، على حساب ما قالت وسائل إعلام صومالية.

عاااجل

تحطمت طائرة أقلعت من مطار آدم عدي الدولي في الصومال على شاطئ بالقرب من مقديشو.

تم إجلاء جميع الركاب بسلام. pic.twitter.com/Mzakef9tnb

— الأحداث العالمية (@NewsNow4USA) February 10, 2026

والمعطيات الأولية كتشير أن الطيّارة يمكن واجهت مشاكل تقنية وهي كتجرّب تطلع فالعلو. وقالو شهود عيان كانو حدا شاطئ جاسيرا إن الطيّارة كانت كتحلّق فارتفاع منخفض بشكل غير عادي، قبل ما تضرب فالماء وتزلق فوق السطح ديالو، ومن بعد وقفات فالشاطئ.

وبيّنات تصاور من بلاصة الحادث أن واحد الجناح ديال الطيّارة تفصل كامل، مع تجمّع عدد من الناس حدا البلاصة للي طاحت فيها.

وصلو فرق الإنقاذ لبلاصت الحادث فدقايق قليلة، وصرّح مسؤول فالمطار باللي الأولوية كانت يتأكدو ما يكونش شاعلا العافية من بعد الاصطدام، حيت الطيارة كانت قريبة للماء. وزاد قال:

“كنأكدّو بلي تْجلّاو جميع الناس اللي كانو فالطيارة بسلام، وما تسجلات حتى خسائر فالأرواح”.

إقرأ الخبر من مصدره

وكالات//

توقّف ماتش دالكورة بين هال سيتي وبريستول سيتي فالدوري الإنجليزي، من بعد ما سنجاب دخل لوسط التيران جوج مرات، فواحد اللقطة طريفة توقفات فملعب إم كيه إم فمدينة هال، حسب تقارير محلية.

SIGN HIM UP, SIGN HIM UP, SIGN HIM UP!!!
•
Great bit of play by the squirrel
•#hcafc #efl #squirrel #wildlife #countryfile #davidattenborough pic.twitter.com/sBIIDmZium

— Hull City Retro (@hullcityretro) February 7, 2026

فيديوهات تداولوهم ورّاو الجمهور كيغوّت وكيشجّع وهوما كيتفرّجو فالسنجاب كيجري فالتيران، واللاعبين كيتسناو حتى يخرج. حتى حساب “هال سيتي ريترو” فـمنصة إكس علّق بالضحك وقال:

“رحّبو بانضمام السنجاب للنادي! يا له من أداء رائع!”

ومن بعد، قدرو شي أعضاء من الطاقم التقني يشدو السنجاب ويخرّجوه من التيران، وتكمّل الماتش، اللي سالا برباح بريستول سيتي 3 مقابل 2.

إقرأ الخبر من مصدره

وكالات//

نقّذو سكان حي باب شرقي فدمشق شاب من موت محقق، من بعد ما حاول ينتاحر برمي راسو من عمارة عالية بزاف.

#دمشق

احباط محاولة انتحار شاب من أسطح أحد الأبنية في باب شرقي من قبل الجيران وأهالي المنطقة

#سوريا#الساحل_العلوي pic.twitter.com/U3V2Yc5U5v

— salsabeela سلسبيلا (@SyrianEagle313) February 10, 2026

وبيّن فيديو نشرو تلفزيون سوريا، الشاب وهو متعلّق من سطح البناية، راسو لتحت، ومجموعة من الناس شادينو وكيحاولو يطلّعوه الفوق.

ولكن الشاب، كيف بينات اللقطات، بقى مصرّ على الانتحار، حيث شدّ بيديه فحرف الحيط وكيحاول يفلت ويطيح لتحت، وهاد الشي خلا المنقذين يضطرو يتعاملو معاه بعنف ويضربوه بعصا على يديه باش يقدرو يجرّوه قبل ما يفلت منهم.

إقرأ الخبر من مصدره