وكالات//
كتواجه كوافورة فولاية ماريلاند الميريكانية تهم جنائية بعدما انتشر فيديو صادم كيبينها وهي كتبهدل مراهقة عندها 15 عام فصالون ديالها بسبب خلاف على الخلاص لي القيمة ديالو 150 دولار.
الفيديو اللي نشراتو الكوافورة نفسها عبر وسائل التواصل الاجتماعي خلا الناس غاضبين بزاف بسبب العنف اللي مارساتو ضد الكليانة.
فالفيديو، كانت جايلا كانينجهام كاتسحب البنت من مونطو بعنف، وكتجرّها على الأرض حتى لغرفة جانبية جنب كيس ديال الزبل، وهي كاتغاوت وتقول: “قعدي هنا حتى يجي شي حد ويعطيها الفلوس”، فإشارة للمبلغ المطلوب. وما اكتفاتش بذلك، بل زادت وعايرات المراهقة وهدّدتها وقالت ليها: “نتي محظوظة حيث ما ضربتكش ضرب خايب”، من بعد قطعات شوية من شعرها قدام الكاميرا.
وقررات الأم ديال الضحية أنها تشكي بيها عند البوليس، من جهتها، جايلا كانينجهام قالت بأن البنت حاولت تهرب بلا ما تخلّص الفاتورة، ولكن الأم فسّرت بأن بنتها حوّلت الفلوس عن طريق الخطأ لحساب آخر فتطبيق CashApp.
