وكالات/
نشرو البوليس ديال ميريكان واحد الفيديو كيروجع لعام 2022 ونوض روينة بزاف ف البلاد كلها.
هاد الفيديو كيبين اللحظة لي تقتلات بنت عندها غير 15 عام بالقرطاس ديال البوليس نيت، بعدما خرجو زعما باش يعتقوها من باباها لي خطفها.
الحادثة وما فيها أن باباها كان قتل قبل يوم واحد الوالدة ديالها ومشا خطفها حتى هي، وفين مشاو البوليس يعتقوها صدقو قاتلينهم بجوج.
هاد الفيديو منوض الصداع على البوليس ديال ولاية كاليفورنيا، ولي حتى هي خرجات واحد البيان كتقول فيه أنهم ماعرفوش واش البوليس لي قتلو البنت ولا الوالد ديالها لي تيرا فيها.
