كود الرباط//
فؤاد قديري عضو اللجنة التنفيذية لحزب الاستقلال، ترأس اليوم جلسة الأسئلة الشفوية بمجلس المستشارين، ودار مبادرة قراءة النشيد الوطني تشجيعا للمنتخب الوطني لي حقق انجاز تاريخي بالتأهل لنصف نهائي كأس العالم.
https://fb.watch/hoBEN21Exl/?mibextid=cr9u03
هاد المبادرة لي صفقو عليها المستشارين، دازت بلا مايعطيو ملاحظة لهاد القيادي الاستقلالي لي محافظش مزيان النشيد الوطني. بحيث غلط فواحد البيت من النشيد، وهو “إخوتي هيَّأ للعلى سعيًا” بحيث القيادي قراها اخوتي هاهي. اييه فالمباشر وقدام الاعلام الرسمي.
واش دبا هذا محافظش حتى النشيد الوطني وكيترأس الجلسة. شوهة للنعمة ميارة رئيس المجلس لي كلفو يقرا النشيد.
هاد ماشي الفضيحة لولا لهاد الاستقلاليين بمجلس المستشارين سبقو دارو فضيحة كبيرة فاش قصاو المرأة النقابية الاستقلالية من عضوية المجلس الاعلى للتعليم وحطو بلاصتها واحد صبغو ميارة بلون النقابة بين عشية ضحاها وكيتعلق الامر بمحمد حفيظي المسؤول فالباطرونا.