كود سبور//
بداو الوداد الرياضي بقيادة المدرب أمين بنهاشم كايوجدو للموسم الجاي، وعندهم ماتش أميكال.
وبرمج أمين بنهاشم ماتش أميكال غدا الاحد ضد فريق الراسينگ البيضاوي، وغايكون فكومبليكس ويلنيس ومن خلالو غايعطي المدرب فرصة للاعبين اللي كاينين فالفريق ويكمل الخدمة ديالو لانتقاء اللي غايبقاو وغايعتمد عليهم واللي غايمشيو بحالهم.
وهذا هو أول ماتش للوداد الرياضي منذ مواجهة العين الاماراتي فكاس العالم للاندية فالميريكان قبل حوالي 3 السيمانات.