صحفي مات وهو كيصور فياضان خطير فباكستان (فيديو)

وكالات//

ماتو وتصابو العشرات فباكستان بسباب فيضانات عارمة كتجتاح البلاد، واللي بدات من الشمال الغربي وانتاشرات حتى شملت تقريبا كامل المناطق.

فالسوشيال ميديا، تداولو الناس فيديو كيصوّر لحظة خطيرة كيجرف فيها الفيضان صحافي باكستاني كان كيغطي الأحداث مباشرة من عين المكان.

الغريب فالفيديو، واللي خلاه يدور بزاف، هو أن الصحافي بقى كيهدَر ويعطي آخر المستجدات على الفيضانات، حتى مع أن المياه ولات واصلة لوجهو وكتدفعو بقوة، ومع ذلك ما وقفش التغطية ديالو.

حسب المسؤولين الباكستانيين، أكثر من 100 شخص ماتو فهذ الأسابيع الأخيرة بسبب الأمطار الموسمية القوية والفيضانات اللي جاية معاها، والعدد مرشح يزيد حيث الأرصاد الجوية كتقول باللي باقي مزيد من الأمطار الغزيرة جايّة فشهر يوليوز وحتّى فغشت، وهاد الشي ممكن يرفع منسوب الأنهار ويتسبب ففيضانات أخرى.

أغلب حالات الوفاة كانت بسبب انهيارات وانجرافات أرضية نتجت عن قوة السيول.

إقرأ الخبر من مصدره