روينة وغضب كبير ف ميريكان بسباب فيديو ديال بوليسي.. شد واحد الشيفور وسلخوه عصا (فيديو)

وكالات //

دار واحد الفيديو اللي كيدور فمواقع التواصل الاجتماعي بلبلة كبيرة وفجر غضب المريكانيين، وكيبان ف الفيديو بوليسي ميريكاني  كيهرس شرجم ديال طموبيل وكيضرب ب لكمة قوية ف راس السائق، فواحد السطوب ديال الطريق فمدينة جاكسونفيل فولاية فلوريدا.

فالفيديو، الشيفور ف طموبيلتو، والشرطي كيطلب منّو يخرج، من بعد كيهرس الشرجم وكيعطيه ضربة مباشرة ف الراس، ومن بعد كيجرّو من الطموبيل مع مساعدة ديال البوليس الآخرين، وكيزيد يعطيه بوكس آخر وهو طايح فالأرض.

Police Brutality Alert @904Will was pulled over for allegedly having his headlights off — in clear daylight. When he calmly asked to speak to a supervisor, things escalated fast. Police broke his window, pulled him out of his car, and slammed him to the ground. He was left… pic.twitter.com/txl4L98hlS

— Black Lives Matter (BLM) (@Blklivesmatter) July 21, 2025

الشيفور، اللي ما بغاوش اسميتو تبان، قال بللي تعرّض لإصابات خايبة بزاف، جسدية ونفسية، بحال كسر فسنّو، وتسع ديال الغراز ف شفايفو، وزيد عليها ارتجاج فالمخ و تيقولو حتى فقد الذاكرة شوية. وفواحد المنشور من بعد، قال: “مازال ما تجاوزتش نفسياً داكشي اللي وقع، ولكن قررت نهضر ونحكي اللي وقع ليا”.

وحسب اللي باين فالفيديو، هاد الشي وقع فـ19 فبراير 2025، ملي وقفو الشيفور حيت ما شعلش الضو الأمامي ديال الطموبيل، مع أنه قال ليهم ما كاين لا شتا لا الضبابة فالجو، وقال: “ما كايناش الشتا”. ولكن واحد الشرطي جاوبو: “ماشي مشكل، خاص الضو يكون شاعل ديما”.

الشيفور طلب من البوليسي يوريه القانون اللي كيجبرو يشعل الضو، وطلب حتى يجي شي مسؤول يشوف، ولكن التوتر طلع بسرعة، وسالات القضية بتكسر الشرجم وبداو كيعنفوه.

إقرأ الخبر من مصدره