وكالات //
شعلات العافية فباطو ديال الركاب قرب سواحل مقاطعة سولاوسي الشمالية فإندونيسيا، وكان فيه حوالي 280 راكب، الأمر اللي خلا المسافرين يضطرّو ينقزو للبحر، ومات منهم شخص واحد على الأقل فالحادث.
العبّارة اللي سميتها “برشلونة” شعلات فيها العافية حوالي منتصف النهار بتوقيت المنطقة، وهي قرب جزيرة تاليساي، اللي كاينة على بعد 60 كيلومتر تقريبا من مدينة مانادو، عاصمة المقاطعة واللي كانت هي الوجهة ديال الرحلة، حسب ما قالت جريدة “جاكارتا بوست” الأحد.
فيديوهات وصور خاذوها شهود عيان بيّنو حجم الفوضى والرعب فموقع الحريق، لكن السلطات ما زال ما علناتش بشكل رسمي على عدد الضحايا أو المفقودين.
وبحسب مسؤول من فرق الإنقاذ، تم إنقاذ عدد من الركاب وتمّ نقلهم لجزيرة جانغا اللي قريبة من البلاصة اللي وقع فيها الحريق.