گود سبور//
عاقب الاتحاد المكسيكي لكرة القدم، الدولي المكسيكي المخضرم شيشاريتو بسبب التصريحات ديالو المستفزة والمسيئة للعيالات، واللي هاجم فيها المراة وادعى أن العيالات كايقضيو على الرجولة وبلي بلاصتهم هي الدار يطيبو ويصبنو ويولدو، مع العلم أنه من نهار تطلق عام 2021 حيث اتهم مراتو بالخيانة وهو كايهاجم العيالات، هاذ الشي دليل على أنه عندو عقدة وخاصو يعالج راسو.
وكرد على التصريحات ديالو قرر الاتحاد المكسيكي لكرم القدم معاقبة شيشاريتو، وقال فبلاغ له: “قبل أيام خرج شيشاريتو بواحد التصريحات تروج للصورة النمطية الجنسية تعبر على شكل من أشكال العنف وتتعارض مع المساواة بين الجنسين فالرياضة، وعلى قبل هذا الشي فتحت لجنة المساواة بين الجنسين والتنوع التابعة للاتحاد المكسيكي لكرة القدم تحقيق فالموضوع ولمنع هذا النوع من السلوكات ومعاقبة اللي داروه”.
وكمل الاتحاد المكسيكي لكرة القدم، وقال: “ونتيجة لهاذ الشي، تم توقيع غرامة مالية وتحذير رسمي على “شيتشاريتو”، على أن تتخذ اللجنة إجراءات أكثر صرامة في حالة تعاودو بحال هاد المخالفة”.