وكالات//
فخطوة بزاف ديال الناس شافوها “ذكية ومُلفتة”، جينيفر لوبيز قرّرات تحتافل بعيد ميلادها الـ56 بطريقة مختلفة ومزيانة من ناحية التسويق، بحيث دارت شراكة مع سلسلة قهاوي اسمها La La Land Kind Café، وخرجات مشروب جديد بإسمها!
https://www.instagram.com/reel/DMfhnFDoDIH/?utm_source=ig_web_copy_link
المشروب سميتو JLo Birthday Cake Latte، وتدار مخصوص لهاد المناسبة، وغادي يكون متوفر غير لمدة محدودة فـ 21 فرع ديال السلسلة، وضمن لائحة مشروبات جديدة سميتها ALL STAR Drinks.
باش يزيدو يشهرو المشروب، دارو حملة دعائية فيها مسابقة خاصة بنهار واحد، واللي يشارك فيها ممكن يربح تذاكر VIPلحفلات جينيفر الجاية فـ لاس فيغاس.
لوبيز شاركات تصاور وفيديوهات فـ إنستغرام ديالها، وكتبت: “شحال هاد الشي زوين! فرحت بزاف وأنا كنوجد هاد المشروب.” وكانت لابسة لوك شبابي وعصري: توب كريمي بقبة طالعة، سروال جينز طايح شوية، وشعرها مربوط فذيل، ومعاه حلقات كبار دايرين على ودنيها.