الجامعة كاتحتج على الكاف بسبب حكمة الفينال بين المغرب ونيجيريا

كود سبور//

قررت الجامعة الملكية المغربية لكرة القدم الاحتجاج على الأخطاء التحكيمية اللي كانت ففينال كأس أفريقيا للسيدات، بين المنتخب الوطني المغربي النسوي ومنتخب نيجيريا.

واتخذت الجامعة الملكية المغربية لكرة القدم، قرارها بمراسلة الاتحاد الإفريقي للعبة، احتجاجا على الأخطاء التحكيمية اللي وقعت فالفينال بين اللبؤات ونيجيريا، واللي اعتبروها بزاف من المتتبعين أنها كانت مؤثرة لمصلحة نيجيريا ومنها ضربة الجزاء اللي علنت عليها الحكمة الناميبية انتسينو توانيانيوكو لمصلحة المنتخب المغربي قبل ما تتراجع على الإعلان عنها بعدما عيطو عليها VAR، وبان من خلال فيديو أن الكورة لمست مدافعة نيجيريا فيديها.

الجامعة الملكية المغربية لكرة القدم، قررت إرفاق المراسلة ديالهم بلقطات من الفينال ديال الأخطاء التحكيمية اللي وقعت فالمباراة، اللي سالات بنتيجة 3-2 لمصلحة نيجريا، مع العلم أن المنتخب المغربي كان رابح فالشوط الأول بنتيجة 2-0 قبل ما يرجعو نيجريا بريمونتادا خيالية وصادمة فالشوط الثاني.

إقرأ الخبر من مصدره