بالفيديو اعتداء خايب ديال بوليسي على ميريكاني بشرتو سوداء

وكالات//

نتاشر واحد الفيديو كيوثق لحظة تعرّض مريكاني سايكـ طوموبيلتو للضرب من طرف بوليسي فميريكان، وبالضبط فولاية فلوريدا، في الوقيتة ديال توقيف مروري، وهادشي خلق ضجة كبيرة واتهامات البوليس بالعنصرية، حيت السائق كان راجل أسود.

وواخا أن البوليس جاكسونفيل دافعات على الشرطي اللي كان فالموقف، إلا أنها وقّفتو مؤقتًا وخداتو لخدمة إدارية حتى تسالي التحقيقات، خصوصًا من بعد ما بان فالفيديو اللي صوّرو السائق، وهو كيكسر ليه شرطي القزديرة ديال الطوموبيل، كيطلب منّو يخرج، وكيصفعو، ومن بعد جرّوه وطاحوه فالأرض وكبلو يديه، حيث كان مصرّ ما يوريش ليهم البيرمي وما يخرجش من السيارة.

#WATCH: As a Man threatening to bomb plane while shouting Death to Trump on a easy jet flight

#Luton | #England

Watch the terrifying moment a man stood up on a packed easyJet flight and claimed he had a bomb. The incident occurred aboard Flight EZY609 from Luton to… pic.twitter.com/MNFQAxuZJh

— R A W S A L E R T S (@rawsalerts) July 27, 2025

وتبيّن من بعد أن السائق كان سايق برخصة مسحوبة، وتوجّهات ليه تهم ديال مقاومة الشرطي بلا عنف، والسياقة برخصة معلقة. وزيد عليها، لقاو عندو أقل من 20 غرام ديال الماريخوانا وشي أدوات ديال الاستهلاك، وتهموه حتى بالحيازة ديال الماريخوانا للاستعمال الشخصي.

إقرأ الخبر من مصدره