وكالات//
رغم أن توم كروز بدا خدمتو فالأفلام هاذي أكثر من 40 عام، بزاف من المعجبين ديالو تصدمو مؤخراً ملي عرفو الإسم الحقيقي والكامل ديالو، اللي بقى مخبّي على عدد من الناس طوال هاد السنين.
توم كروز، اللي عندو دابا 63 عام، سميتو الكاملة هي توماس كروز مابوثر الرابع، ولكن منين دخل لعالم التمثيل قرر يستعمل نسخة قصيرة من سميتو، باش يبعد شوية على ماضيه العائلي اللي كان صعيب.
توم كروز تشهر عالمياً من بعد ما لعب ففيلم Risky Businessفـ1983، وزاد لمع نجم ديالو فدور “مافريك” ففيلم Top Gun، وولات عندو مكانة كبيرة وسط نجوم هوليوود. ولكن بعض المتتبعين ديالو ماعرفوش الاسم ديالو الحقيقي حتى لدابا، وهادشي خلى الناس يهبطو بزاف ديال التعليقات اللي كانت ما بين الضحك والدهشة فمواقع التواصل.
واحد كتب فـ”إكس”: “واااو، واش بصّح؟ عمرني عرفت هادشي!”، وشي واحد آخر قال: “منين عرفت الاسم الحقيقي ديال توم كروز حسّيت بحال إلا فقت شي حاجة مظلمة من الماضي!”
وواحد من مستعملي “ريديت” ضحك وقال: “راه هاد الاسم مايتباعش!”، وواحد آخر وصفو بـ: “أسوأ اسم عائلة سمعت به فحياتي!”