فيديو كيكشف على القوة ديال زلزال كامتشاتكا فروسيا.. هاكيفاش حسات بيه مذيعة على الهواء

وكالات//

شهدات شبه جزيرة كامتشاتكا فروسيا، مع الصباح ديال البارح الأربعاء، زلزال قوي بزاف وصلت قوتو لـ8.8 درجات فالسلم ديال ريختر. وهادي تعتبر أقوى هزة عرفاتها الجهة من عام 1952، وخلقات حالة ديال الرعب والخلعة، خصوصا من بعد ما تشاف فيديو مباشر كيورّي الاستوديو ديال إذاعة وهو كيهتز وسط البث.

فداك الفيديو، المذيعة كانت كتحاول تبقى هادئة ومتماسكة رغم الهزة، وقالت لزميلتها: “حنا كنهتزّو يا مارينا!”، ومن بعد بدا الزلزال كيشتد، واضطرات هي والطاقم والضيفة يغادرو الاستوديو بسرعة.

« Нас трясет, Марина! » На Камчатке во время прямого эфира ведущие радиостанции ощутили землетрясение. «Опа, трясет нас немножко! Нас трясет, Марина! Марина, спокойно, всё хорошо! Дорогие друзья, напомню, что живем мы на Камчатке!» pic.twitter.com/YlPNRrUKiL

— GlobalNews (@GlobalNews_24) July 30, 2025

الجملة اللي قالتها المذيعة ولات ترند فمواقع التواصل، بزاف ديال الناس بداو كيعبرو بيها على الصدمة ديالهم، وشي وحدين آخرين شكروا فيها على الشجاعة ديالها.

المركز الجيولوجي الروسي صرّح باللي الزلزال تْبعاتو موجات تسونامي اللي ضربو سواحل اليابان وجزر هاواي، وهادشي خلا السلطات تعلن حالة الطوارئ فكامتشاتكا وتبدا تقييم الأضرار اللي طراو فالبنية التحتية والمباني.

إقرأ الخبر من مصدره