فميريكان لقاو عش ديال النحل الرزوزي فيه إشعاعات نووية (فيديو)

وكالات //

علنات السلطات الميريكانية على واحد الاكتشاف غريب فموقع نووي اسميتو “سافانا ريفر” فولاية كارولينا الجنوبية، فين لقاو العمال عش ديال النحل الرزوزي فيه تلوث إشعاعي كيتجاوز النسبة المسموح بها بأكثر من 10 مرات، وهادشي حسب التحاليل اللي تدارو فـ3 يوليوز.

إدارة الموقع قالت إن العش تلاقى قريب من واحد البناية فالمنشأة، وتكلفو بيه مباشرة الفرق المختصة، اللي رشّوه بمواد خاصة باش يقضيو عليه، وأكدات أنه ما كان حتى نحل حي داخل العش ملي تكتاشف.

ووضحو فبيان رسمي أن التلوث الإشعاعي كان غير فالعش، وما كان حتى انتشار للمادة المشعة فالمناطق اللي دايرة بيه، وما تسجّل حتى خلل فأنظمة المراقبة ديال الإشعاع فالمنشأة النووية.

Wait are we about to be attacked by giant, radioactive wasps?!#wasps #breakingnews #radiation #kaiju pic.twitter.com/nPehCoW7m6

— Jay Black (@jayblackisfunny) July 30, 2025

وصرّح المتحدث باسم الموقع أن جميع الاحتياطات خْداوها بشكل دقيق، بما فيها عزل المنطقة اللي فيها العش ودارت فحوصات شاملة للإشعاع، والنتائج بينات أن كلشي طبيعي فالمحيط اللي خارج العش.

وأكدات الإدارة أن هاد الحادث ما سبّب حتى إصابات أو أضرار للعمال ولا للبيئة، وما كان حتى خطر على السكان اللي ساكنين قريب من الموقع.

وتجدر الإشارة أن منشأة “سافانا ريفر”، اللي كاينة فالجنوب الشرقي ديال كارولينا الجنوبية، كانت فالسابق كتستعمل لإنتاج المواد اللي كتدخل فصناعة الأسلحة النووية، وهادشي اللي كيخلي أي حادث إشعاعي فيها، حتى لو كان صغير، يكون حساس بزاف.

إقرأ الخبر من مصدره