گود سبور//
كشفت تقارير ألمانية أن الدولي المغربي أدم ازنو قلق البلجيكي فينسنت كومباني مدرب بايرن ميونيخ الألماني داكشي علاش خلاه يمشي بحالو وينتقل لإيفرتون النگليزي.
وحسب ما نقل موقع bavarianfootballwork الألماني، كانت شي مشاكل مع آدم ازنو خلال تواجد بايرن ميونخ فالميريكان ملي كانو مشاركين فكاس العالم للأندية شهر يونيو الماضي.
ووضح نفس المصدر، أن آدم ازنو جاه إحباط بسبب قلة الفرص اللي جاتو فبايرن ميونخ وهذا الشي انعكس عليه فالتداريب، خصوصا وأنه ما لعبش دقايق كثيرة واخا ألفونس ديفيز موعت، والتراخي ديال ازنو فالتداريب ما عجبش المدرب كومباني.
ومشى الظهير الأيسر المغربي الشاب آدم ازنو مول 19 عام، من بايرن ميونخ هادي يومين لإيفرتون النگليزي، باش يقلب على فرص اكثر للعب وما يبقاش گالس فالاحتياط.