ترقية رجل الوقاية المدنية بطل شاطو أولاد يوسف ف بني ملال

عثمان الشرقي//ݣود

تمّت ترقية ياسين شروق، رجل الوقاية المدنية العامل بمدينة بني ملال، من رتبة مساعد Adjudant إلى رتبة مساعد أول Adjudant-chef، مكافأة له على تضحيته الكبيرة خلال تدخل بطولي قام به قبل 20 يومًا بشاطو أولاد يوسف بإقليم بني ملال.

هاد الترقية جات كاعتراف رسمي من المديرية العامة للوقاية المدنية بالعمل الشجاع اللي دار شروق، بحيث ما ترددش لحظة فالتدخل لإنقاذ أرواح المواطنين، رغم الخطورة والظروف الصعبة اللي كانت فداك النهار.

وهاد العمل النبيل خلى بزاف ديال الناس يشيدو بيه، سواء من زملائه فالجهاز أو من المواطنين اللي تابعو الواقعة فوسائل الإعلام ومواقع التواصل الاجتماعي، اللي اعتبرو الترقية لفتة إنسانية وقرار كيستحق كل التحية.

من خلال هاد المبادرة، كتبيّن القيادة العامة للوقاية المدنية أنها كتحرص على تكريس ثقافة الاعتراف بالمجهودات وتحفيز رجالها، الشي اللي كيعزز روح الانتماء وكيشجع باقي العناصر على المزيد من العطاء والتفاني فحماية أرواح الناس وممتلكاتهم.

إقرأ الخبر من مصدره