وكالات//
بارطاجاو نشطاء فمواقع التواصل واحد الفيديو كيبين لحظة اعتقال وإهانة المغني السوري عمر خيري فمدينة الباب اللي كاينة فريف حلب الشمالي، من طرف عناصر تابعين لجهاز الأمن العام.
الفيديو باين فيه كيفاش شدّوه وحطّوه فواحد الطوموبيل ديال الأمن، وكاين حتى لقطات كيبان فيها خيري كيغني شي أغنية كيمدح فيها الرئيس السوري أحمد الشرع، وهو موقوف.
حلب: اعتداء وضرب وإهانة للفنان “عمر خيري” في مدينة الباب بريف محافظة حلب من قبل عدد من الهمج
#بالحب_بدنا_نعمرها pic.twitter.com/QG1LRqkj7S
— GHIAS FARZAT (@farzat77) August 1, 2025
هاد المشهد خلق جدل كبير، بحيث بزاف ديال الناس شافو أن خيري تعرض لـ”اعتداء وإهانة متعمدة”، خصوصا أن الفيديو كيبين رجال الأمن كيرسمو سبان وكتابات على وجهو وصدره، وهادشي خلى ناس كثيرين يعبروا على غضبهم فالسوشيال ميديا.
بعض النشطاء قالو إن سبب الاعتقال هو “الغناء الحرام”، ولكن آخرين نفاو هادشي، وقالو إن السبب الحقيقي هو أن خيري كان عندو ارتباط بالنظام السوري القديم.
وهادي ماشي أول مرة كيوقعو بحال هاد الأحداث فـسوريا، بحيث سبق وشافو الناس فالفيديوهات اعتقالات واعتداءات فمقاهي ونوادي ليلية.