گود سبور//

كشف الدولي الفرنسي كيليان مبابي لاعب ريال مدريد الإسباني، على شهادة فحق صاحبو الدولي المغربي أشرف حكيمي نجم باريس سان جرمان، اللي متهم فقضية اغتصاب بفرنسا حركها ضدو الادعاء العام الفرنسي بسبب شكاية دارتها شابة كاتقول إنه اعتدى عليها جنسيا.

وقال كيليان مبابي فتصريحات نشرتها جريدة “ليكيب” الفرنسية: “فهاديك الليلة مشينا للريسطو، أشرف طاح بالبكا وما كانش بخير الصراحة، عاود ليا بلي كانت مداعبات متبادلة على الأعضاء التناسلية، ولكن ما حسش نهائيا بأن هاد البنت رافضاه، وقاليا بلي فاللخر راه ما نعسوش مع بعضياتهم بلا ما يقول ليا شنو السبب”.

وكمل كيليان مبابي صاحب أشرف حكيمي: “هذا الموضوع كاناقشوه ديما، وأولا حنا ماشي وحوش، ومن الفوق راه كنا واجدين لهذا الشي من الأول ديال الكاريير بروفيسيونيل ديالنا”.

وأكد كيليان مبابي: “أشرف حكيمي كايحترم العيالات، وحتى ملي كايكون سكران ما عمرني شفتو تصرف بشي طريقة ماشي هي هاديك، وحتى ملي ما كانكونش حاضر عمرني جا عندي شي واحد من صحابي قاليا إن شارف دار شي حاجة خايبة أو فات الحدود ديالو”.

إقرأ الخبر من مصدره