گود سبور//
محتافل الدولي المغربي براهيم دياز، اليوم الاحد 3 غشت 2025، بعيد ميلاد ديالو وكمل 26 عام، وبالتزامن مع هذا الشي راه قرر يبقى مع ريال مدريد الإسباني.
وحسب الإعلامي الإيطالي فابريسيو رومانو، فالعقد الجديد ديال براهيم دياز مع ريال راه واجد تقريبا باش يسنيوه، وأكد أن النجم المغربي وافق على جميع الشروط باش يبقى مع الفريق وأنه ما باغي حتى حاجة اخرى من غير يبقى فريال مدريد.
وكايجي هذا المستجد، بعدما اشارت تقارير أوروبية خلال الأيام الماضية عن رغبة كل من أرسنال النگليزي وبنفيكا البرتغالي وفنربخشة التركي وحتى البطولة السعودية بأنه يسنيو مع براهيم دياز، ولكن كايبان أن هذا الشي صعيب واللاعب باغي يبقى مع ريال مدريد ويتقاتل باش يدير بلاصتو.