وكالات //
حادثة صادمة وقعات فصربيا، ملي طاح وزير الاستثمار دراغو غليتش، اللي عندو 52 عام، بشكل مفاجئ وهو فبث تلفزيوني مباشر صباح الثلاثاء.
وخلال لقاء عادي فواحد البرنامج محلي، بدا غليتش كيهضر بصعوبة وكيتهجّم، ومن بعد فقد الوعي ديالو مباشرة على المباشر، وهادشي خلا الطاقم يقطع البث فورًا وينقلوه للمستشفى بسرعة.
وزارة الصحة الصربية قالت من بعد أن الوزير تعرض لسكتة دماغية قوية، واحتاج لعملية جراحية مستعجلة. ورغم أن العملية نجحات، الأطباء قالو إن الحالة ديالو ما زال حرجة، والساعات بين 48 و72 اللي جاية هي اللي غادي تحدد واش المخ ديالو تضر بزاف ولا لا.
Sırbistan Kamu Yatırımları Bakanı Darko Glisic’in sabah saatlerinde katıldığı canlı yayında fenalaşmasının ardından beyin kanaması geçirdiği açıklandı pic.twitter.com/BoeGG75OK4
— Anadolu Ajansı (@anadoluajansi) August 5, 2025
وزير الصحة، زلاتيبور لونشار، صرّح أن الطاقم الطبي داير جهدو كامل باش ينقذ حياة الوزير، وقال أن التدخل السريع ممكن يلعب دور كبير ففرص الشفاء ديالو.
الرئيس الصربي ألكسندر فوسيتش عبّر على التضامن ديالو مع الوزير فواحد المنشور على السوشيال ميديا وقال فيه: “دراكو، بقا قوي. ماشي وقت الاستسلام”، وهاد الرسالة خذات تفاعل كبير من المواطنين والسياسيين.
والشعب فصربيا كيتسنى أي جديد رسمي على الحالة الصحية ديال الوزير غليتش، وسط دعوات كثيرة بالشفاء العاجل ديالو ويرجع بخير يخدمتو.