ركاب باطو ف تركيا عاشو الرعب.. دخل ف صخرة وسط الما وكان كولشي غادي يغرق (فيديو)

وكالات//

عاشو ركاب سفينة ديال النقل فتركيا لحظات صعيبة ملي اصطدمو بصخرة وسط البحر، واللي تسببت ليهم فضرر كبير وكانو غادي يغرقو مع السفينة.

الفيديوهات ديال الحادث اللي وقع فبحر مرمرة فشمال غرب تركيا، بينو السفينة وهي ميلة فالبحر من بعدما دخل ليها الماء بسبب الاصطدام.

الركاب كانو فالصالة ديال السفينة وكلهم مخلوعين، والكثير منهم لبسو سترات النجاة باش يحميو راسهم من الغرق، وشي ناس خرجو للسطح باش يتبعو عمليات الإنقاذ.

İstanbul’dan Balıkesir’in Marmara ilçesine bağlı Avşa Adası’na giden İstanbul Deniz Otobüsleri feribotu, kayaya çarptı. Hasar alan feribot limana yanaştırılırken, yolcuların panik anları cep telefonuyla görüntülendi

— Habertürk (@Haberturk) August 10, 2025

تدخلت عبّارة أخرى كانت قريبة من البلاصة، وجابت السفينة المتضررة نحو أقرب ميناء، ومن بعد نزلو الركاب وفرغو السفينة من الماء وبدّاو يصلحوها.

السفينة كانت فطريقها من إسطنبول نحو جزيرة “أفشا” التابعة لولاية “بالكيسير”، والحادث وقع فمسار معتاد بشكل مفاجئ.

ولحسن حظ الركاب، وقع الحادث نهار الأحد، وقبل ما تشهد المنطقة اللي فالقرب زلزال من مساء نفس اليوم، بقوة 6.1 على مقياس “ريختر” وتسبب فموت واحد على الأقل وزرع الرعب فسكان عدة مدن، من بينها إسطنبول.

إقرأ الخبر من مصدره