أنجلينا جولي كتستعد باش تبيع القصر ديالها ف لوس أنجلوس.. وها علاش

وكالات//

كاتوجد النجمة العالمية أنجلينا جولي باش تعرض دارها التاريخية اللي كاينة فـ لوس أنجلوس للبيع، حيث ناوية تخرج من المدينة وتعيش فبلاد أخرى، على حساب مصدر صرّح لمجلة  People.

المصدر قال بلّي أنجلينا جولي، اللي عندها دابا 50 عام، عمرها ما كانت باغا تعيش بشكل دائم فـ لوس أنجلوس، ولكن كانت مضطرة تبقى فيها بسبب اتفاقية الحضانة مع راجلها السابق، الممثل براد بيت، اللي عندو 61 عام.

الزوجين السابقين عندهم ستة ديال الوليدات: مادوكس (24 عام)، باكس (21 عام)، زهرة (20 عام)، شيلوه (19 عام)، والتوأم نوكس وفيفيان (17 عام).

والمصدر زاد قال بلّي أنجلينا كتخطط تْحول مباشرة منين يوصلو التوأم ديالها لـ18 عام العام الجاي، وراها كتفكر دابا فـ بزاف ديال البلدان اللي ممكن تمشي ليهم. ووصف الدار بلي هي “تحفة فنية تاريخية وملك فريد من نوعو”، وأكّد أنها غادي دير فيها شوية ديال الإصلاحات قبل ما تبيعها.

الدار تبنات فـ عام 1913، وشراتها أنجلينا فـ 2017 بثمن 24.5 مليون دولار. فيها ستة ديال البيوت للنّعاس وعشرة حمّامات، وكتمتد على مساحة ديال 11 ألف قدم مربعة. وعندها قيمة تاريخية كبيرة، حيث كان شراها فالأول المخرج المعروف سيسيل بي. ديميل فـ 1916، وكان كيسكن حداه النجم تشارلي شابلن قبل ما يدمج ديميل الدارين مع بعضهم.

إقرأ الخبر من مصدره