وكالات//
البوليس ديال كاليفورنيا رجعو 14 صندوق فيه مونيكات ديال “لابوبو” المشهورة، اللي تسرقو من واحد المخزن السيمانة اللي فاتت، وقيمتهم كتقارب 30 ألف دولار.
وحسب جريدة “نيويورك بوست”، إدارة الشرطة فمدينة تشينو قالت نهار الاثنين إن الدمى لقاوهم فواحد الدار فالمدينة، والتحقيقات كتبيّن أن المشتبه فيهم كانو ناويين يبيعوهم من جديد على صعيد البلاد.
قسم شرطة مقاطعة لوس أنجلوس رجع السلع للمحل بخير وبلا خسائر نهار الجمعة اللي فات، حسب ما نشر المحل فـ “إنستغرام”.
دمى “لابوبو”، اللي هي مزيج بين “كابيدج باتش كيد” و”أنجل بيبي”، عايشة شعبية كبيرة هاد الصيف، خصوصاً النسخ النادرة اللي كتقدر توصل ثمنها لأكثر من 500 دولار، وحتى واحد الموديل من مجموعة 2023 تباع بـ 10,500 دولار.
المشاهير حتى هوما كيبغيو هاد المونيكات، وشفنا ريهانا و”ليسا” من فرقة بلاك بينك كيديرو دمى “لابوبو” فالحوايج ديالهم. ومنذ أن خرجات هاد الدمية عام 2015، تصاوبو أكثر من 300 نسخة مختلفة منها، وفي المقابل بداو كيتباعو نسخ مقلدة بثمن أرخص تحت اسم “لافوفو”.