واخا العلاقة الغرامية ديالهم ناجحة.. تقرير كشف على الفرق الكبير بين الثروة ديال تايلور سويفت وحبيبها كيلسي

وكالات//

بالرغم من النجاحات الكبيرة اللي داروها تايلور سويفت وترافيس كيلسي فالمجال ديالهم، كاينة واحد الهوة كبيرة وواضحة فصافي الثروة بيناتهم، حسب ما قالت مصادر قريبة منهم.

ثروة تايلور سويفت، اللي هي من أشهر نجمات الموسيقى فالعالم، كتوصل تقريباً لـ 1.5 مليار دولار، حسب موقعCelebritynetworth.com، وهاد الشي راجع لمبيعات الألبومات ديالها اللي فاتت 200 مليون نسخة، والجولات الموسيقية الضخمة بحال Eras Tour  اللي جابت 2.1 مليار دولار، وزيد عليها المداخيل من الإعلانات، والعقارات، ومصادر أخرى.

من جهة أخرى، صافي ثروة ترافيس كيلسي، نجم دوري كرة القدم الأمريكية، كيوصل لحوالي 90 مليون دولار فقط، وهو رقم كبير، ولكن قليل بزاف قدّام ثروة سويفت. كيلسي وقّع مؤخراً عقد بـ 34.3 مليون دولار لمدة عامين مع فريق كانساس سيتي تشيفس، وكيجني تقريباً 5 مليون دولار فالسنة من عقود الإشهار مع ماركات بحال ماكدونالدز ونايكي.

ومع أن كيلسي كيتصدر العناوين بعقود الرعاية والبودكاست الناجح ديالو “نيو هايتس”، اللي جاب صفقة بـ 100 مليون دولار مع أمازون، إلا أن الفرق فالثروة بينو وبين سويفت باين وواضح بزاف.

إقرأ الخبر من مصدره