فيل كاعي طحن سائح هندي بغا يدير معاه سيلفي (فيديو)

وكالات//

سائح هندي تعرّض لحادثة مرعبة فجنوب غرب الهند بعدما شتفه عليه فيل هائج وهو كيحاول يصوّر سيلفي حدا محمية طبيعية.

حسب التقارير، السائح اللي سميتو آر. باسافاراجو دخل لغابة ممنوعة قريبة من واحد المعبد، وشاف الفيل على جنب الطريق، لكن القرب المفاجئ ديالو ولمعة الكاميرا عصبوه.

فيديو مصوّر من طرف زوار المحمية بيّن الفيل وهو كيجري ورا الراجل، اللي حاول يهرب فالطريق العام، ولكن طاح وداس عليه الفيل مرات قبل ما يبعد من المكان.

disturbing video

Elephant Charges Man in Bandipur Reserve After He Tried to Take a Photo.

According to the witness who was in the white car seen in the video, the man involved had used a camera with a flash to take a close-up photo of the elephant. The sudden burst of… pic.twitter.com/YhZgHzbRpU

— 𝗟 𝗼 𝗹 𝗹 𝘂 𝗯 𝗲 𝗲 (@Lollubee) August 11, 2025

باسافاراجو تنقل للمستشفى وهو عندو إصابات خطيرة، وتفرضت عليه غرامة ديال 25,000 روبية (حوالي 200 جنيه إسترليني)، وزادو أمروه يسجّل فيديو كيعترف فيه أن اللي دارو كان بسبب الجهل ديالو بقوانين السلامة فمحميات الحياة البرية.

واحد الشاهد قال: “هاد الحادثة تذكير قوي بضرورة احترام قوانين المحميات وترك التعامل مع الحيوانات للناس المكوّنين”.

وحسب جريدة “ديلي ميل” البريطانية، إدارة الغابات حذّرت أن بحال هاد التصرفات ماشي غير كتعرّض حياة البشر للخطر، ولكن حتى كتقدر تخلي الحيوانات تولي عدوانية وكتقوم بسلوكات ما كتكونش متوقعة.

إقرأ الخبر من مصدره