وكالات//
النجمة الأمريكية جينيفر أنيستون اعترفات بأنها مازال كتعاني من أثار الطلاق ديالها من الممثل براد بيت، حتى بعد ما فات قرابة عشرين عام على الانفصال ديالهم اللي هز الإعلام فالعالم كامل.
العلاقة ديالهم كانت كتعتبر من أنجح الزيجات فهوليوود ملي تزوجو فـ29 يوليوز 2000، ولكن فـ يناير 2005 فاجئو الجمهور بخبر الانفصال، والطلاق تسالا فـ نفس العام.
فمقابلة مع مجلة “فانيتي فير”، بطلة مسلسل “فريندز” وصفت داك المرحلة بحال “اضطراب ما بعد الصدمة”، وأكدات أنها خذات الموضوع بشكل شخصي، خصوصا مع الضغط الإعلامي الكبير اللي كان داير الحدث.
الخبيرة القانونية روزا ألكسندر قالت لجريدة “ذا ميرور” إن الطلاق هو ثاني أكثر حاجة كتكون مرهقة فحياة الإنسان، وزادت شرحات أن التجربة كتكون أصعب ملي كتكون تفاصيلها قدام الرأي العام وكتولي الناس الغرباء كيديرو أحكام.
وزادت ألكسندر قالت: “الطلاق كيكشف أعمق التفاصيل الشخصية، وأحياناً كيمس حتى حياة الأطفال، وهذا كيزيد الضغط النفسي”.