وكالات//
النجم الميريكاني ليوناردو دي كابريو قال بلي كيحس راسو أصغر من العمر ديالو، ووضح أنه مازال محافظ على روح ديال الثلاثينيات رغم أنه قرّب يكمل نص قرن.
فحوار مع المخرج بول توماس أندرسون لمجلة Esquire فعدد خاص بـ”متمردي هوليوود”، تسوّل دي كابريو: “إلى ما كنتيش عارف شحال فعمرك، شحال غتقول؟”، جاوب دغيا: “اثنين وثلاثين”. وزاد قال من بعد أنه من الناحية العاطفية كيشوف راسو فـ35 عام.
وأكد الفائز بالأوسكار أن وصولو للخمسين خلاه يكون أكثر وضوح وصراحة، وما يضيعش الوقت، سواء فالحياة الشخصية أو المهنية، وحتى ولو هاد الصراحة جابت خلافات أو سالات علاقات. وعطا المثال بالأم ديالو إيرميلين اللي كيشوفها قدوة فالبساطة والصراحة.
بالنسبة لمسيرتو الفنية، تذكر دي كابريو البدايات ديالو فـأواخر الثمانينيات، والانطلاقة الكبيرة مع فيلم “ما الذي يضايق جيلبرت جريب” فـ1993 اللي جاب ليه أول ترشيح للأوسكار وهو فـ19 عام. وخلال المسيرة ديالو، ترشّح ست مرات أخرى، وربح الجائزة مرة وحدة فـ2015 على فيلم “العائد”.
أما على العادة ديالو فمشاهدة الأفلام ديالو، قال إنه نادراً ما كيعوّد يشوفهم، باستثناء فيلم “الطيّار” (2004) اللي كيعتبره محطة كبيرة فالمسار ديالو.
ووضح أن الخدمة على هاد الفيلم مع المخرج مارتن سكورسيزي عطاتو لأول مرة الإحساس بالمسؤولية الكاملة كمشارك أساسي فالإنتاج، ماشي غير ممثل كيلعب دور محدد.