لاعبين المنتخب المغربي المحلي: غانربحو الكونگو الديمقراطي باش نتأهلو للربع ولوبجيكتيف ديالنا نرجعو بالكاس للمغرب

گود سبور//

عبرو لاعبين المنتخب الوطني المغربي المحلي عن استعدادهم لمواجهة منتخب الكونگو الديموقراطية برسم الجولة 5 والأخيرة من دور المجموعات من كاس افريقيا للمحليين وتحقيق الرباح للتأهل إلى ربع النهائي، وأكدو ان هدفهم هو تحقيق اللقب والرجوع به للمغرب.

ورجع المنتخب المغربي لإجراء التداريب ودار مساء اليوم الجمعة أول حصة تدريبية بعد ماتش البارح ضد منتخب زامبيا اللي ربحوه بنتيجة 3-1، وقال مهدي مشخشخ لاعب المنتخب على هامش هذه الحصة التدربية فتصريح للموقع الرسمي للجامعة الملكية المغربية لكرة القدم: “الاستعدادا كاتدوز فأجواء ايجابية بعدما حصدنا 3 نقاط فالماتش الماضي اللي كانو مهمين بالنسبة لنا وحنا عازمين باش نحققو الماتش الحاي ضد الكونگو الديمقراطية 3 نقاط، ونتأهلو للدور المقبل ونبقاو مجيرين ماتش بماتش ونرجعو باللقب إلى المغرب هذا هو لوبجيكتيف ديالنا”.

يونس الكعبي لاعب المنتخب المغربي، حتى هو متفائل وقال فتصريح له: “حنا مجموعة واعيين بداكشي اللي علينا، وكانوجدو بما فيه الكفاية باش نربحو الماتش الجاي اللي غايكون حاسم، وحنا غانديرو اللي علينا وديما كانخدمو على نقاط القوة والضعف ديال اي فريق والماتش الجاي غانركزو فيه كثر من 100%، لتحقق 3 نقاط اللي غاتكون غالية”.

إقرأ الخبر من مصدره