فيديو منوض روينة فمصر.. دراري كانو كيتحرشو ببنت وصاحبتها وهوما سايگين تسببو فكسيدة

وكالات//

وقع حادث خطير فمدينة 6 أكتوبر فالجيزة، من بعدما مجموعة ديال الشبان تبعو بطوموبيلتهم بنت كانت كاتسوق ومعاها صاحبتها.

فيديو كيدور فمواقع التواصل الاجتماعي، تصوّر من طرف واحد من السائقين، وورّى لحظة المطاردة والاصطدام، دار البوز فمصر، حيث بيّن كلشي من البداية حتى الطوموبيلة طاحت فالحادث.

من بعد ما طرا الحادث، بعض الناس اللي كانو فلطريق وقفو وعاونو البنت باش يخرجوها من الطوموبيل، بينما السيارات اللي كانت كاتطارد هربو من بلاصة الحادث.

وزارة الداخلية المصرية قالت أن البوليس شدّو 4 أشخاص، من بينهم 3 طلاب فجامعة، متهمين فالمطاردة اللي تسببات فالحادث، والشبان اعترفو بالفعل اللي داروه.

التحريات بيّنات أن المتهمين تبعو سيارة البنات فلطريق، وسدو عليها، وهذا خلا السائقة تحاول تهرب وتصرف راسها، ولكن طاحت فطوموبيل نقل كانت واقفة على جنب الطريق، وهكذا طرا الاصطدام.

البنت وصاحبتها تصابو بجروح، وتداوْاو فالسبيطار، لكن حسب مصدر طبي الحالة ديالهم دابا مستقرة وخرجو من السبيطار بعد ساعات قليلة من الحادث.

والمتورطين تحالو على النيابة العامة باش يكملو معاهوم التحقيق.

إقرأ الخبر من مصدره