تركيا.. البوليس عتقو شفار من الموت (فيديو)

وكالات//

تعرض شفار لاعتداء عنيف كان غادي يموت فيه قبل مايتدخل البوليس وينقذوه من عند صحاب محل ديال المجوهرات اللي قدرو يسيطرو عليه وسط محاولة ديالو الفاشلة فالسطو المسلح.

الشفار اللي سميتو مراد (42 عام) هاجم محل مجوهرات فمدينة “كارابوك” شمال تركيا، وكان حامل مسدس تبيّن من بعد أنه غير لعبة ديال الدراري وماشي حقيقي، لقا راسو وسط مجموعة ديال الرجال اللي انهالو عليه بالضرب.

Karabük’te bir şahıs boncuk atan tabancayla kuyumcuyu soymaya kalktı

Çalışanlar tarafından dövülen şahıs, gözaltına alındı

O anlar güvenlik kameralarına böyle yansıdı pic.twitter.com/qsR2wyq65G

— Rudaw Türkçe (@RudawTurkce) August 19, 2025

البوليس وصلو للمحل بسرعة من بعد ما فشلات عملية السطو فالثواني اللولة، وقدرو يحررو المهاجم من يد الناس اللي كانو كيدربوه وخداوه معاهم للتحقيق.

فيديو وثّق العملية كاملة، فاش دخل الشفار للمحل ومعاه السلاح الوهمي وهدد البياع اللي خاف فعلاً وخدا كيس كحل باش يحط فيه المجوهرات.

لكن فهذ اللحظة دخل خو الصايغ وشريك ديالو اللي كان فلطابق الفوقاني، وشاف شنو كاين فلتحت، وهنا اللص استسلم حيت شاف عندو مسدس حقيقي. المنقذ سيطر على “مراد”، خدا منو المسدس الوهمي وبدى كيدرب فيه، فالوقت اللي التحقو بيهم تجار آخرين من السوق وزادو عليه الضرب.

إقرأ الخبر من مصدره