گود سبور//
اعتبر سيف الدين بوهرة لاعب المنتخب الوطني المغربي المحلي، ان ماتش ربع نهائي كاس افريقيا للمحليين ضد منتخب تنزانيا ما غاديش يكون ضد خصم قوي، ولكن هما مركزين باش يربحو ويتأهلو للدومي فينال واكد ان الهدف ديالهم هو التتويج باللقب.
وهضر سيف الدين بوهرة وقال فتصريح له قبل ماتش المغرب وتنزانيا: “الماتش ماشي ساهل ضد خصم اللي كانعرفوه كايلعب الكورة وعنيف وكانتمناو غدا نكونو فالموعد، والتداريب كاتدوز فجو مزيان وكاينة الجدية وكاين تركيز كبير وكانتمناو نكونو فالجاهزية”.
وكمل سيف الدين بوهرة: “اللاعبين والمجموعة كلها عارفين لوبجيكتيف وشنو باغيين وعلاش حنا هنا، والكوتش كايوصل لنا ميساج واضح وهو نتأهلو للدور المقبل ونربحو هذا اللقب”.