وكالات//
الفنان اللبناني راغب علامة طرح سؤال محرج على مراسلة تلفزيون MTV وقال ليها: “إلا نبوسك دابا، غادي يوقفو ما يطلعونيش فـ MTV؟”، المراسلة تصدمات شوية من السؤال، ولكن تداركت الموقف بسرعة ونفات المنع. فهنا علامة باسها فحنكها، وسط الضحك ديالهم بجوج.
https://www.instagram.com/reel/DNjA11Xsk42/?igsh=eDB3NWg0eG92MWVq
هاد الموقف جا بعدما المراسلة جابت فالهضرة قرار منع راغب علامة من الغناء فمصر، من بعد ما طلعات معجبة عندو فوق الخشبة فحفلة فالساحل الشمالي وتبادلات معاه البوس، واللي خلا النقابة تمنعو لفترة. القرار خلق ضجة كبيرة ولكن فالأخير وقع “الصلح” بين راغب علامة ونقيب المهن الموسيقية مصطفى كامل.
متابعين قالو باللي “علامة من خلال البوسة مع المراسلة بغا يبعث رسالة كيضحك ويسخر من القرار اللي تلغى”، وأكدو باللي “الموضوع ما كانش كيسحق كل هاد الضجة”.
وسبق لراغب علامة يهاجم القرار ديال منعو من الغناء فمصر، واعتابرو “بحال الإعدام ليه”، وقال باللي “مصر راه بلادو الثانية”.